Mundukideri ekarpena egin dio Konfekoop erakundeak

Esperientziak, baliabideak eta egiten jakitea partekatzen ditu Mundukidek, inplikatutako alderdien garapen autogestionarioa eta erabatekoa sustatzeko. Horretarako, lan kooperatiboaren elkartasuna bultzatzen du, Mundukideren balioak eta printzipioak oinarri eta gidalerro hartuta. Erakundearen eginkizun nagusia da lankidetza-programetan elkarlanean jardutea eta proiektu solidarioak sustatzea, pertsonekin eta tokiko erakundeekin batera lan eginez. Arlo horretan, Mundukidek 25 urte baino gehiago daramatza.

Mundukidek 25 urte baino gehiago daramatza proiektu solidarioak sustatzen, pertsonekin eta tokiko erakundeekin elkarlanean

Konfekoopek balio kooperatibisten aldeko apustu sendoa egiten jarraitzen du, hala nola parte-hartzea, elkartasuna eta konpromiso komunitarioa. "Hazkunde iraunkorrari eta kalitatezko enpleguari laguntzen diogu, pertsonak eta komunitateak ahaldunduz, eta giza kapitala eta subiranotasun ekonomikoa indartuz", nabarmendu du Konfekoopeko presidenteak, Rosa Lavinek. Bide horretan eta elkartasun kooperatiboa mundura hedatu asmoz eman dio diru-laguntza Mundukideri.