TUlankide MONDRAGON

MONDRAGONek parte hartuko du Nazio Batuen Garapen Iraunkorreko helburuak aztertuko duen jardunaldian

2018/02/08

Bilbon egingo da datorren otsailaren 15ean eta balioko du egiaztatzeko “enpresa-estrategia garapen iraunkorrarekin lerrokatzea enpresentzako errentagarria dela”.
MONDRAGONek parte hartuko du Nazio Batuen Garapen Iraunkorreko helburuak aztertuko duen jardunaldian

Jardunaldia honako erakunde hauek antolatzen dute: Eusko Jaurlaritzak, Agenda Euskadi Basque Country 2030aren testuinguruan; Innobasque eta Munduko Hitzarmenaren Espainiako Sareak, sektore pribatuan GIH Garapen Iraunkor Helburuen sustapenerako Nazio Batuen agintea duen erakundeak; eta Innobasque, berrikuntzaren euskal agentziak. Ekitaldia goizeko 11:30etan hasiko da eta eguerdiko 14:00 bitartean luzatuko da. Bilbon egingo da: Bizkaia Plaza (Urkixo Zumarkalea, 36).

 

Egitaraua

“GIH eta enpresak, joerak eta aukerak” izeneko jardunaldian, GIH garapen iraunkor helburuen ikuspegi orokorra aztertuko da, eta Euskadin egiten ari den lanaren hurbilketa eta lehen eskuko esperientziak entzuteko aukera izango da. Azalduko diren esperientzien artean, MONDRAGON Taldearena ere aztertuko da, Ibon Antero, Eraldaketa Sozialeko ekintzen koordinatzailearen eskutik. Berarekin batera izango dira: Elena Bou, Revenga Smart Solutions enpresako ordezkaria eta Jon Kepa Izagirre, A&B Laboratorios enpresako ordezkaria.

Ekitaldian, Vanesa Rodriguez, Nazio Batuen Munduko Hitzarmenaren Espainiako Sarearen ordezkariak, hitzaldi bat eskainiko du, “GIHak eta enpresa aukerak, joerak, Euskadirako eredua eta ekintzarako euskarriak” deiturikoa. Eta azkenik, Leyre Madariaga, Eusko Jaurlaritzako Kanpo Harremanetarako zuzendariak saioari amaiera emango dio.

Zer dira GIHak?

2015eko irailaren 25ean, mundu mailako buruzagiek helburu komunak adostu zituzten pobrezia desagertzeko, planeta babesteko eta oparotasuna bermatzeko; horiek baitira garapen iraunkorraren agenda osatzen duten aspektuak. Helburu bakoitzak xede zehatzak ditu, datozen 15 urteetan lortu beharko direnak.

Guztira, mundua eraldatzera bideratzen diren 17 helburu dira, eta beraien artean daude: pobrezia desagertzea, energia eskuragarria eta ez kutsakorra, ezberdintasunak gutxitzea, hiri eta komunitate jasangarriak, bakea, justizia eta erakunde sendoak...

Informazio gehiago, hemen.

Eguraldia
Osteguna 21 Min: 17
Max: 28
Ostirala 22 Min: 13
Max: 24
Larunbata 23 Min: 13
Max: 26
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak