Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakaskuntza unibertsitate zentroa
Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
MONDRAGON Sustapen Zentroak eta Mondragon Unibertsitateak Startup Olé 2022 ekitaldian parte hartu dute
Estatu mailan alor honetako hiru ekitaldi onenen artean kokatzen da eta azken urteotan Hego Amerikako herrialdeetako ekosisteman ere nabarmendu da, bertako bost herrialdetan urteroko bisitak eginez. Aurtengo edizioan, gainera, Mondragon Unibertsitatea ere bertan izan da, bertako ekintzailetasunaren alorreko unitatea den Mondragon Team Academy-ren eskutik. Honen barne kokatzen da LEINN gradua eta berau ordezkatuz ekimen ezberdinak aurkeztu dituzte ondorengo startup-ek: Smallops, Vidext eta The Good Goal, Bibagu eta La Rioja proiektuekin batera. Leinner parte-hartzaileekin batera, unibertsitateak bere stand-ean aurkeztu ditu bai aipatutako proiektuak baita ekintzailetasun sarean dauzkan beste hainbat ere. MTA-ko kideak gustura geratu dira ekitaldiak emandakoarekin.
Sektore anitzetako 170 startup baino gehiago, 100 inbertitzaile eta Korporaziotik gora, 2.500 bisitari, 80 mahai-inguru eta 1.100 bilera baino gehiagorekin, Startup Olé ekitaldi garrantzitsua bilakatu da MONDRAGONentzat
Sektore anitzetako 170 startup baino gehiago, 100 inbertitzaile eta Korporaziotik gora, 2.500 bisitari, 80 mahai-inguru eta 1.100 bilera baino gehiagorekin, Startup Olé ekitaldi garrantzitsua bilakatu da MONDRAGONentzat, hain zuzen, Korporazio ekintzaile bezela lortu nahi duen posizionamenduari begira. Izan ere, Startup Olé puntako ekitaldia bilakatu da hainbat esparrutan, oinarri teknologikoa duten proiektu berritzaileak batuz, kalitatezko konexioak ahalbidetuz eta tendentzia teknologikoak ezagutaraziz. Azken batean, testuinguru aparta bilakatzen da MONDRAGON Sustapen Zentroak taldeko kooperatiben interesekin bat egin dezaketen proiektuen eta inbertsioen identifikazioaren sustapenean lanean jarrai dezan.
Berrikuntza irekia
Ildo honetatik, 100 startup baino gehiagoren finantziazio eta elkarlan beharren inguruko aurkezpenetan parte hartu dugu, baita 30 batekin bildu ere. Aldi berean, Joseba Sagastigordiak, MONDRAGON Sustapen Zentroko zuzendariak, ‘Oportunidades para la Innovación Abierta en Empresas y Corporaciones’ izenburupean antolatutako mahai-inguruan parte hartu du. Mahaikide izan ditu beste Korporazio batzuetako ordezkariak, hala nola, Renfe, Once Fundazioa, Cinfa, Acciona eta RTVE Korporazioa (Innova proiektua). Bertan, berrikuntza irekiaren alorreko esperientziak partekatu dituzte, startup-ekin eraiki daitekeen harremanaren egituraketan inbertsio korporatiboa balioan jarriz.