Coprecira bisita MONDRAGONen inklusio eta enplegagarritasun ekimenen baitan

Helburua inklusioaren eta gizarte-kohesioaren arloan interkooperazioan sakontzea da, dagoeneko existitzen diren ekimenak, baliabideak eta ezagutzak aprobetxatu eta garatuz, gizarte-eragina handitzeko.

Testuinguru horretan, MONDRAGONeko hainbat kooperatiba laneratze-ibilbideak garatzen ari dira, lan-merkatuan sartzeko zailtasun handiagoak dituzten pertsonei prestakuntzatik enplegurako trantsizio eraginkorra errazteko. Horretarako, prestakuntza teknikoa, enpresetako praktikak eta lan-kontratazioa uztartzen dituzte.

MONDRAGONeko hainbat kooperatiba laneratze-ibilbideak garatzen ari dira, lan-merkatuan sartzeko zailtasun handiagoak dituzten pertsonei prestakuntzatik enplegurako trantsizio eraginkorra errazteko.

Kooperatiba horien artean dago FAGOR TALDEA, proiektu honetan murgilduta dagoena, bai parte-hartzaileen gaitasuna sustatzen duelako, eta baita Biltegiko Jarduera Lagungarrien Profesionaltasun Ziurtagiria lortzeko aukera eta lan-praktikak eskaintzen dituelako. Ondoren, lan-kontratazioaren fasea irekiko da.

Ekimen honen baitan, aipatutako ibilbidean parte hartzen duten pertsonek Copreci kooperatiba bisitatu dute, garatutako prestakuntza-edukien aplikazio praktikoa bertatik bertara ezagutzeko. Ekimenak oso balorazio positiboa jaso du.