MONDRAGON Hospitalityk hoteletako hornitzaileen lehenengo azoka egingo du Mallorcan

MONDRAGON Hospitality honako enpresek osatzen dute (Krean, Gerodan, Enea, Ondoan, Erreka, Onnera, Fagor Electrónica y LABORAL kutxa), inoizko klusterrik handiena da eta gaitasuna du interkooperazioan sektore soziosanitarioan eta hotelen arloan zerbitzu eta produktuak eskaintzeko. Guztien artean hotel berri bat egiteko gaitasuna dute, baita hirugarren adineko egoitza bat edo eta ospitale bat ere. Instalazioen ingeniaritza, energia eta ingurumena, mobiliarioa, sarbide automatikoak, TB soluzioak, multimedia eta konektibitatea, hoteletako ekipamendu integrala, arkitektura zerbitzuak eta sukalde edo eta garbigailuen ekipamenduak eskaintzen dituzte.

'Diario de Mallorca' egunkariaren egoitzan ekitaldia

MONDRAGON Hospitality, ehundik gora proiektutan ari da lanean eta oraingoan beste jauzi bat egin du. Hala Mallorcan antolatu du Hoteletako Hornitzaileen Lehenengo Azoka. Ekitaldiak balioko du MONDRAGON Hospitalityren eskaintza bertatik bertara ezagutzeko eta bertaratuko direnen artean hoteletako arduradun, hotel kateetako zuzendari, erosketa zuzendari, arkitekto eta interioristak izango dira, guztiak ere sektoreko profesionalak. 

Ekitaldia irailaren 28an egingo da, goizez aurkezpenak izango direlarik eta arratsaldez sektoreko aktore nagusienen artean mahai inguruak eta gainerakoak egingo dituzte.