Erreferentea Automoziorako dekorazioan eta piezen konplexutasun funtzionalean.
Apaindutako plastikoen I+G zentroa
Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Maierrek etorkizuneko automobilari zuzendutako espazio berri bat aurkeztu du
Iñigo Urkullu lehendakaria eta Arantxa Tapia Garapen Ekonomiko, Iraunkortasun eta Ingurumen sailburua Ajangizen (Bizkaia) izan dira gaur, "Maierren etorkizuneko erronkak" ezagutzeko eta Maier Technology Centre-ren Fab Lab espazio berria bisitatzeko. Ekitaldian parte hartu dute, besteak beste, Martin Ugalde eta Koldo Kortabitarte kooperatibako zuzendari nagusia eta presidentea, hurrenez hurren; Oskar Goitia Automobilgintza arloko lehendakariordea eta Iñigo Ucin MONDRAGONeko presidentea.
Maier Technology Centre-ren Fab Lab berria Maier Taldea eraldatzeko proiektu zabalago baten lehen urratsa da. Horrela, produktu estetiko berriak garatzeko dauden gaitasunei, elektronika, optika eta argiztapena eta fabrikazio aurreratua diseinatzeko eta berritzeko gaitasun berriak gehituko zaizkie.
Fab Lab berri honek Maier Technology Centre-n inbertsio batzuk hastea dakar. Guztira, 6 milioi euro, eta kalkuluen arabera, etorkizuneko automobil-produktuen ikerketan, garapenean eta berrikuntzan kualifikazio handia duten 50 profesionalei emango zaie enplegua.
Urkullu lehendakariak "etorkizuneko inbertsio" horren "konpromisoa" eskertu du, "Maierrek bere proiektua gidatzen duten balioak errealitate bihurtzeko duen gaitasuna erakusten duelako: konfiantza, aldaketarako irekitasuna, eraginkortasuna, lankidetza eta bezeroarenganako orientazioa".
Lehendakaria, ekitaldian parte hartu zuen une batean.
Ucinek berriz Maierren izaera eredugarria nabarmendu zuen, "bere estrategia bideratzen jakin duelako, lehiatzeko eta berritzeko duen gaitasunagatik, errotzeagatik eta enpleguarekiko konpromisoagatik". Eta gaineratu zuen: "Maierrera gonbidatzen nautenean, oso gustura etortzen naiz, eta beti joaten naiz gusturago ikusten dudana bikaina delako. Zorionak!".
Maier taldea
Ajangizen (Bizkaia) du egoitza, eta gaur egun bederatzi ekoizpen-planta ditu: Ajangizen (egoitza nagusia), Nafarroan, Vigon, Erresuma Batuan, Txekian, Indian, Txinan (2) eta Mexikon.
Gainera, zentro teknologiko propioa du, Maier Technology Centre, Ajangizen, berrikuntzan eta garapen teknologikoan espezializatua, baita Txinako, Indiako eta AEBetako zenbait zentro tekniko ere. 2021ean 300 milioi eurotik gora fakturatuko ditu, eta horien %70 nazioarteko salmentei dagokie. Guztira 3.000 langile inguru ditu.