Leartikerrek, aparatu digestiboko kirurgiarako gailu berrien proiektua garatuko du

Proiektua aurrera eramateko Leartikerrek hitzarmena sinatu du Bilbao Basurto ESI eta BIOEFekin.
Card image cap
2018/04/25

CIDI 3D: gailu berrien fabrikazio aurreratua fistulak edo ostomiak dituzten pazienteentzako izenburupean, proiektuaren helburu nagusia paziente bakoitzaren abdomen-paretaren ezaugarrien araberako ostomia poltsa pertsonalizatuak diseinatzea izango da, eta baita poltsak urteetan zehar pazientearen pareta abdominalaren konfigurazioa jasaten doan aldaketetara egokitzen joatea ere.

Hori lortzeko 3D inpresio bidezko diseinua erabiltzea da ideia, poltsak estometara ahal bezain doi egokitzeko pazienteen pareta-abdominal inguruaren eskaner irudiak erabiliz.

Beste helburuetako bat horren poltsa handia erabili behar ez izateko euste sistema bat garatzea da. Azala eta estomaren barruan dagoen hestea lesionatu gabe estemaren kontinentzia ahalbidetzeko gailu bat garatuz gero, poltsarik ez erabiltzea ere posible litzateke.

Proiektuaren hirugarren helburua abdomen-ireki egoeran heste-fistulak maneiatzeko gailu bat diseinatzea da.

Aipagarria da proiektu hau aurrera ateratzeko RIS3 EUSKADI 2017 biozientziak-osasuna espezializazioari lotutako ikerketa eta garapen proiektuetarako Osasun Sailaren deialdi batera aurkeztu zela proiektua, eta laguntza esleitu zitzaiola.

Irakaskuntza teknikoa

Zentro teknologikoa, Elikagaien Teknologian eta Polimeroetan espezializatua.