LagunAro, EPSVk bihar egingo du Batzar Orokorra
2018/03/20
Jose Antonio Alustiza, LagunAro, EPSVko lehendakaria 2017ko Batzar Orokorrean.
Planteatzen diren aldaketen artean, esanguratsuenak Pentsio sistemarekin eta Enplegu laguntzarekin lotuta daude.
Pentsio Sistema
Gure pentsio sistemari dagokionez, alde batetik, planteatzen da testuinguru konplikatuetan pentsio eskubideak eguneratzeko sistema egokitzea, berroreka plan bat egin behar denerako, eta, bestetik, 65 urte baino geroago jubilatzen diren laguntzentzat pentso eskubideen errekonozimendu osagarri bat egitea.
Enplegu Laguntza
Enplegu Laguntzari dagokionez, gaur egungo araudian hainbat aldaketa egitea proposatzen da. Horietako batzuen helburua da prestazioaren finantzaketa argitzea eta zehaztea, eta beste batzuk Enplegu Laguntzaren prestazioan esku hartzen duten eragileen (kooperatibak, eragindako bazkideak eta LagunAro) eskubide eta betebeharren irismena definitzera zuzenduta daude.
Amatasun eta aitatasun prestazioak direla eta, oraintsu Gizarte-Segurantzak onartu duen bezala, proposatzen da oinarri arautzailea kalkulatzeko azken sei hilabetetako kotizazio-oinarriak kontuan hartzea.
Horrez gain, desgaitasuna duten pertsonei eskainitako laguntza dela eta, prestazio hau jasotzen duten pertsona guztiek tratamendu homogeneoa izatea planteatzen da, modalitatea kontuan hartu gabe.
