24. Korrika MONDRAGONen

Korrikaren edizio berri honetan ere MONDRAGON korporazioko kooperatibek euskararekiko duten konpromiso irmoa berresten dute, kooperatibek jarduten duten eremuetan hizkuntza eta kultura sustatzeko duten ardura agerian utziz. Industria-sektoretik hasi eta zerbitzuetaraino, kooperatiba ezberdinek baliabideak eta indarrak batu dituzte euskararen aldeko ekimen honetan parte hartzeko.

TU LANKIDEk jarraipena egingo dio Korrikari eta kooperatiben parte hartzea jasotzeko, hauxe proposatzen dugu: bidali zuen argazkiak helbide honetara (tulankide@arteman.org) eta biltzen ditugun guztiekin argazki galeria sortuko dugu.

ARGAZKI GALERIA

Tafalla Iron Foundry

Gazteenen artean euskararen erabilera sustatzea helburu, Tafallako Korrika Txikian parte hartzen dute, azpiegiturak eta hornidura bermatuz. Aurten, haurrentzako askaria eta puzgarriak jarriko dituzte 348. kilometroa erosteaz gain.

Embega

Korrika ospatzen den aldiro bezala, Nafarroako kooperatibak 862. kilometroa erosi du (Iratxe eta Iguzkitza artean). Puntu hau Lizarrako erdialdetik 4-5 kilometrotara aurkitzen da, eta askok Lizarratik korrika egiteko asmoa zutenez, talde-ekimen bat antolatu zuten bertatik Embegako kilometrora iristeko. 

LagunAro

Erakunde-lankidetza eta ordezkaritza

Babes korporatiboa lankidetza estrategikoen eta kooperatiba arteko ekintzen bidez artikulatzen da:

Laboral Kutxa: Laguntzaile ofizial gisa, entitatearen logoa Korrikako petoetan egongo da ikusgai. Horrez gain, Kontseilu Sozialaren bidez, ibilbideko kilometro batzuk erosi dituzte: Gipuzkoan bost kilometro, Donostia, Eibar, Ibarra-Tolosa, Irun eta Arrasaten. Araban, Gasteizen; Nafarroan, Iruñean; eta Bizkaian, Bilbon.

Olandixoko lankidetza: Sinergia kooperatiboaren adibide gisa, martxoaren 26an egingo den Aldapako Korrika ekimenean parte hartuko du Laboral Kutxak, inguruko beste erakunde batzuekin batera: Mondragon Goi Eskola Politeknikoa, Osarten, Lagun Aro EPSV, Ikerlan eta MONDRAGON Korporazioa.

ARGAZKI GALERIA