Amaia Ramos: "ATEGI elkarkidetzaren arrakasta erakusten duen eredua da"

Ategi MONDRAGONeko erosketa kooperatiboen zentrala baino askoz gehiago da. Proiektu korporatiboaren baitan 25 urte bete dituen lankidetza proiektua, hazkunde betean eta etorkizun ilusionagarriarekin. "Elkarlanarekin enpresak beti izango dira askoz lehiakorragoak", esan du Amaia Ramos Ategiko zuzendari nagusiak.

"Lankidetzarekin, enpresak beti izango dira askoz lehiakorragoak"

Amaia Ramosek eman die ongietorria Tabakalerako ekitaldi aretora bildu diren guztiei. Iraganaz eta batez ere etorkizunaz hitz egin du. "Just in time izatetik just in case izatera pasatuko gara, paradigma berri bat erosketa kooperatiboen esparruan". Argi daukaguna da etorkizunean bidea egiten jarraituko dugula gure bezeroen eskutik ,"ziurtatu du Ramosek. Bere ongietorrian ez du inor ahaztu nahi izan eta batez ere proiektu kooperatiboaren balioa nabarmendu nahi izan du. "Ategi da interlankidetzaren arrakasta erakusten duen eredua".

Ospakizun eta azterketa programa 

Ramosen hitzen ondoren, MONDRAGONeko presidente Pello Rodriguez hartu du hitza Ategiren proiektuari balioa emanez. Horren ostean, Repsoleko kontseilari delegatu Josu Jon Imazek "energia, geopolitika eta industria lehiakortasunari" buruzko hitzaldia eskaini du. Imazek egungo geopolitika eta aurreikusten den etorkizuna ulertzeko gakoetako batzuk argitu ditu.

 Jardunaldiaren gogoeta alea mahai-inguru batekin jarri dute. Horretan parte hartu dute Julian Conthe Merkataritza Politikako eta Segurtasun Ekonomikoko MINECO zuzendari nagusiak, Judith Arnal Elkano Errege Institutuko ikertzaile nagusi eta Espainiako Bankuko kontseilari independenteak, Luis Mª Perez Artecheko zuzendari nagusiak, Jorge González Ormazabaleko zuzendariak eta José Pérez Fagor Automationeko zuzendariak.

Kafearen eta networkingaren ostean, Brain&Code taldeko Alex Rayonek hartu du hitza 'Adimen artifiziala, enpresa eta lehiakortasuna' hitzaldia eskaintzeko. Ekitaldiari amaiera emateko, urteurreneko luntx partehartzailea izan dute.  

Zorionak, Ategi!