Kardio-babesa: bizitzak salbatzen dituen soluzioa

Urtero, Espainian, 30.000 bihotz-geldialdi eta 70.000 miokardio infartu baino gehiago izaten dira, eta biziraupen-tasa nekez iristen da % 10era. Denbora da faktore erabakigarria egoera horietan; izan ere, seigarren minututik aurrera, bizirauteko aukerak % 20ra murrizten dira, eta, hamar minutu igarota, aukerak ia deusezak dira.

Egoera horren aurrean, funtsezkoa da espazio publiko eta pribatuetan 24 orduz erabilgarriak diren desfibriladoreak instalatzea, haien funtzionamendu egokia bermatuz. Arlo honetan, Bexen Cardio, desfibriladoreen fabrikatzaile nazional bakarra eta MONDRAGON Health aliantzako kidea, kardiobabesaren sektoreko liderra da. Hala ere, gailu horiek edukitzea ez da nahikoa biztanleriak horiek erabiltzeko gaitasunik ez badu. Argi Osak, kooperatibako kardio-babeseko aholkulariak azpimarratu duenez, "kardio-babeserako kultura sortzea funtsezkoa da bihotzeko larrialdietan biziraupena areagotzeko".

Urtero, Espainian, 30.000 bihotz-geldialdi eta 70.000 miokardio infartu baino gehiago izaten dira, eta biziraupen-tasa nekez iristen da % 10era

Osaren esanetan, gakoa bihotz-biriketako bizkortzean (BBB) eta desfibriladoreen erabileran datza. Txiki-txikitatik eta lan-, komunitate- eta hezkuntza-inguruneetan gaitzea izan daiteke egoera kritiko batean aurrean desberdintzeko aldagaia. Gainera, larrialdietan jarduteko trebatutako pertsonek osatuko Erreskatatzaileen Komunitate bat sortzeak berehala erantzuteko gaitasuna indartzen du. Alerta-sistemen eta aldizkako prestakuntzen bidez, erreakzio azkarra eta koordinatua berma daiteke edozein unetan eta lekutan.

Testuinguru horretan, Reanibex 100 bezalako gailuek funtsezko zeregina betetzen dute kardio-babesaren eskuragarritasunean. Bexen Cardiok sortutako kanpoko desfibriladore erdiautomatiko hau  Jarraibide argiak eta automatikoak eskaintzen ditu, une kritikoetan jarduna errazteko. Gainera, urruneko monitorizazio-sistemak beti martxan egotea bermatzen du, edozein unetan erabilgarri egongo dela ziurtatuz.

Kardio-babesaren garrantziari buruzko kontzientzia sustatzea eta desfibriladoreetara irisgarritasuna bermatzea erantzukizun partekatua da. Prebentzio Kardiobaskularraren Europako Egunaren esparruan, mezu argi bat azpimarratzen da: "Bihotz-geldialdiek eragindako heriotzen kopurua murriztea herritarren erantzunaren azkartasunaren eta etengabeko prestakuntzaren mende dago. Komunitate prestatu batekin, desfibriladore eskuragarrien sare batekin eta etengabeko prestakuntza batekin, milaka bizitza salba daitezke urtero. Zenbat eta prestatuago egon, orduan eta bizitza gehiago salbatuko ditugu", azpimarratu du Osak.

Desberdintzen duen teknologia

Alderdi teknologikoa da Reanibex 100 antzeko beste ekipo batzuetatik bereizten duen ezaugarri nagusietako bat. Bere komunikazio-sistemak urruneko monitorizazioa eta eguneroko azterketa automatikoa ahalbidetzen ditu, erabilgarritasuna eta funtzionamendu egokia bermatuz eguneko 24 orduetan, urteko 365 egunetan. Era berean, NFC teknologia du, aplikazio mugikor baten bidez desfibriladorearen eta haren osagaien egoera egiaztatzeko aukera ematen duena. Horrez gain, zenbait parametro konfiguragarri aldatzeko aukera ere ematen du, ekipoa ordenagailura konektatu beharrik gabe.

Pizte automatikoa du, estalkia irekita, aurrez konektatutako partxeak eta aurrekarga, deskarga azkarra egiteko. Halaber, erabiltzaileari laguntza ematen dio metronomo bati esker, erritmo egokia mantentzen laguntzen baitu, eta ekitaldi osoan zehar pertsona gidatzen duten audio-mezuei esker. Baina ez hori bakarrik, kooperatibak inguruneko baldintzei ere erreparatu die, batzuetan giro zaratatsuetan gertatzen baitira, audioaren jarraipena zailduz. Hori konpontzeko, gailuak audio-mezuak inguruneko baldintza akustikoetara egokitzen dituzten sistemak ditu.

Ezagutu gehiago Bexen Cardiori buruz eta osasunaren arloko eta arlo soziosanitario eta bioteknologikoko irtenbide berritzaileei buruz MONDRAGON Health-en.