TUlankide MONDRAGON

'Humanity At Music, Sinfonia Kooperatiboa' FIP 2019 sarietan garaile

2019/12/09

Publizitatearen Jaialdi Iberoamerikarrean lau sari eskuratu ditu, horien artean urteko musika ekimen onenaren saria eta kultura arloan garatutako ideia onenaren saria.
'Humanity At Music, Sinfonia Kooperatiboa' FIP 2019 sarietan garaile

Argentinako hiriburuan, Buenos Airesen, egin berri da FIP jaialdia. Iberoamerikan publizitatearen arloan egiten den egitasmorik garrantzitsuena da eta, besteak beste; Coca Cola, Ron Barceló, Porsche, Seat, Telefónica, Repsol, Mastercard, Santander, General Motors, BMW, AT&T, Huawei, Bimbo, Volkswagen... moduko markek parte-hartzen dute. Epai-mahaia nazioarteko adituek osatzen dute eta 20 kategoria baino gehiagotan banatzen dituzte sariak. 

Edizio honetan, MONDRAGON Korporazioak, "Humanity At Music; Sinfonia Kooperatiboa" proiektuarekin sari zaparrada jaso du. Besteak beste honako sariak eskuratu ditu: Urteko ekitaldi musikal onenaren saria; kultura arloan garatutako ideia kreatibo onena; marketin arloko egitasmo emozional onena; eta bigarren saria teknologia berrien erabileran. 

Humanity At Music

Humanity At Music orain arte ez da nazioartean ezagutzera eman eta FIP 2019 izan da nazioartean erakusteko lehenengo aukera. Sariketa honek promozio ideiak, komunikazio teknika berriak, berrikuntza eta enpresa arloan antolatzen diren ebentoak saritzen ditu. 

Bestalde, Ausolan Taldeak marka eduki onenaren saria eskuratu zuen 17 emakume izeneko proiektuarekin. 

EHUren Pesmes sariak

Iberoamerikarra ez da izan Humanity At Music-ek jaso duen aitortza bakarra, izan ere, azaroaren 29an Euskal Herriko Unibertsitatearen beste sari bat eskuratu zuen, Pesmes saria. Marketin arloan, ekintza orotarikoak saritzen ditu Pesmes-ek, eta MONDRAGONek abian jarritako kanpaina onartu gura izan du aurten. Pesmes dira, Marketin Masterraren Sariak, eta 2014 urteaz geroztik banatzen ditu bi urtean behin Euskal Herriko Unibertsitateak. 

Profesionalen lana aitortu, sustatu eta publikoki hedatzeko helburuarekin sortu ziren, marketinaren arloan Euskal Herrian egiten diren egitasmoak sustatzeko eta aitortzeko helburuarekin eta aurten MONDRAGON izan da irabazlea. 

Eguraldia
Ostirala 10 Min: 11
Max: 24
Larunbata 11 Min: 12
Max: 21
Igandea 12 Min: 11
Max: 21
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak