Huhezinema 9. edizioa abian

Ezagutza

Facultad de Humanidades y Ciencias de la Educación HUHEZI

Humanitate eta heziketa zientzien fakultatea

Irakaskuntza unibertsitate zentroa

Huhezinema Euskal Film Laburren Jaialdiaren 9. edizioa, 2016ko martxoaren 16tik 18ra bitartean egingo da Aretxabaletako Arkupe Kultur etxean.

2015/12/11

Mondragon Unibertsitateko Ikus-entzunezko Komunikazioko 14 ikaslek osatzen dute lan-talde berria eta Iban del Campo irakasleak gidatuko ditu. Jaialdiko hiru sailak irekita daude: Sail Ofiziala, Basque Culinary Lehiaketa eta MUko IkasleenLehiaketa. Filmak bidaltzeko epea 2016eko otsailaren 10era arte egongo da zabalik eta dagoeneko kontsultatu daitezke sail bakoitzaren oinarriak Huhezinemako webgunean: www.huhezinema.com

Berrikuntza ugari 2016ko edizioan

• Goiena/Ogeita4 Saria. Ogeita4 Camera Solution enpresarekin lortutako akordioari esker,
Goiena Sariari hiru egunetarako kamera materiala gehituko diogu (1500€tan baloratuta)
euskarazko film labur berri baten ekoizpenerako. Film labur berri hau Huhezinema 2017an
aurkeztuko da.

• Vertigo saria berreskuratuko dugu, ekoizpenerako edo banaketarako diru laguntza publikorik jaso ez duen lan onena saritzeko. Sari honen epaimahaikideak MUko Ikus-entzunezko graduko ikasleak izango dira.

• Basque Culinary Lehiaketa indarberrituta. Joan den urtean zinema ikasleei soilik zegoen
bideratuta, aurtengoan berriz Euskal Herriko edozeinek parte hartu ahal izango du.

• Lanak aurkezteko plataforma berria: Aurten lanak Festhome plataformaren bitartez aurkeztu daitezke, eta baita Movibeta, aurreko urteetan bezala.