Irakurriena
- 1. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 2. Yolanda Diaz Lan eta Gizarte Ekonomia ministroa Coprecin egon da
- 3. MSI Taldeak urteko ETE industrial onenaren saria jaso du
- 4. 20 urteko ibilbide arrakastatsua ospatu du Gerodan kooperatibak
- 5. MONDRAGONeko Pertsonen Foroa egin zen Kursaalen
- 6. LagunArok 2024 ona itxi du eta sendotasunez begiratzen die etorkizuneko erronkei
Fagor Elektronikak Sateliun-en telematika negozioa eskuratu du

Floten kudeaketan zerbitzua eskaintzen duen Espainiako hornitzaile inportanteena izaten jarraitu nahi du Fagor Elektronika - Smart Data Services enpresak. Hala, merkatua indartzeko asmoarekin, Sateliunen negozio telematikoa eskuratu du. Sateliun enpresa Galizian dago, 20 urteko esperientzia du sektorean, eta gaur egun lehen mailako 400 bezero baino gehiago ditu garraioaren eta logistikaren sektorean."Oso pozik gaude Sateliun eta bere bezeroei Fagorren familiari ongietorria emateagatik", adierazi zuen Marcos Sánchez Fagor Elektronika – Smart Data Services-eko negozio zuzendariak.
Fagor Elektronika - Smart Data Services enpresak Espainian eta Europan duen presentzia indartu du, bezero berriei esperientzia eta teknologia eskainiz, berezikki floten kudeaketaren arloan
"Sateliungo bezeroen integrazio-prozesua zaindu dugu eta kalitatea eta zerbitzu bikaina mantentzeko konpromisoa hartu dugu", gehitu du Marcos Sanchezek.
Horrez gain, Sateliunen lantalde osoa Fagor Elektronikan sartu da. "Sateliunen bezeroek egunerokoan orain arteko solaskideak mantenduko dituzte, guretzat hau
lehentasunezkoa izan da erosketa prozesuan ", ondorioztatu du Marcos Sanchezek.
"Pozik gaude Fagor Elektronikarekin bat egiteaz. Sateliunen beti egin dugu apustu
berrikuntza eta bezeroari kalitate goreneko zerbitzua eskaintzeko eta Fagor Elektronikak, zalantzarik gabe, indartu egingo gaitu ", esan du Alberto Ortega Sateliungo CEOak.
Hala, Fagor Elektronika - Smart Data Services enpresak Espainian eta Europan duen presentzia indartu du, bezero berriei esperientzia eta teknologia eskainiz, berezikki floten kudeaketaren arloan.