Automozio osagaiak
Irakurriena
- 1. MONDRAGONek etorkizuneko negozioak eta gizarte inpaktua indartzeko estrategia berretsi du aurtengo Kongresuan
- 2. MLAKOOPek 60. urteurrena ospatu du eta etapa berri bati ekin dio etorkizunari begira
- 3. Beste bi urtez EU4Dual Europako proiektuaren lidertzan
- 4. Kreanek eraikiko du Lascaray-LEAren lantegiaren aro berria
- 5. Gutun irekia Arizmendiarrietari
- 6. Fagor Arrasatek HERPASAren ekoizpen-unitatea erosi du, altzairu herdoilgaitzezko deposituen espezialista
Fagor Ederlanek 50. urteurreneko webgunea estreinatu du
Fagor Ederlaneko komunitateak intentsitate handiarekin bizi izan ditu azken egunak. Aurreko astean 'Ederlantzen' izeneko bideoklipa estreinatu zuten, larunbatean ekitaldi hunkigarria ospatu zuten Arrasateko Amaia Udal Antzokian eta gaur urteurreneko webgunea estreinatu dute. Bertan, aurten Fagor Ederlaneko kolektiboak antolatu eta burutuko dituen ekitaldi guztien berri jasoko da eta gainera bideoak, argazkiak, kartelak, testigantzak eta beste zenbait eduki kontsultatu ahal izango dute erabiltzaileek.
Fagor Ederlanek dagoeneko jarri du sarean, guztion bistara, 50.urteurrenerako sortu duen webgune berria. Bertan, kooperatibaren historiaren gaineko testigantzak, argazkiak eta bideoak izango dira ikusgai. Era berean, urtean zehar egiten ari diren eta egingo dituzten ekitaldien gaineko informazioa kontsultatzeko erreferentziazko lekua izango da.
Fagor Edelaneko ordezkarien nahia zen leku berria uztailaren 13an estreinatzea, jubilatuei egindako omenaldiarekin batera, baina azkenean egun batzuk atzeratzea erabaki dute. Fagor Ederlaneko komunikazio eta marketin departamentuarekin batera, ekoizpenean parte hartze zuzena izan dute Goisolutions eta Arteman Komunikazioa enpresek.
Automozio osagaiak
