Fagor Arrasatek gogor eutsi dio Euskaraldiari 25 arigunerekin

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.

Fagor Arrasatek Euskaraldiaren 2. edizioari gogor eutsi dio, 25 arigune aktibatu dituztelarik. Aipatu ariguneetan 191 langile ari dira parte hartzen; Arrasate, Donostia, Zamudio eta Markinako lantokietan.

2020/11/30

Ariguneetan, ohiko dinamika duten taldeak modu kolektibo batean Euskaraldiko ariketa sozialean parte hartzea erabaki dute, kide guztiek gutxieneko ulermen maila dute eta euren hizkuntza ohiturak aldatzeko aurrera pausoak ematea adostu dute. Nabarmentzekoa da Markinako planta, osorik, Arigune bat dela. Pasadan abenduan, Fagor Arrasatek Euskararen Kudeaketarako urrezko Bikain Ziurtagiria lortu zuen “euskararen presentzia eta erabilera indartzeko duen konpromisoagatik”.

Bikain ebaluazioan, ebaluatzaile taldeak, kooperatibak hizkuntza kudeatzeko duen “egitura indartsua” azpimarratu zuen, planta guztietan baititu Euskara Batzordeak eta finkatuta daukan Hizkuntzen Kudeaketa Politikako irizpideak, barne prozesuetan ere inplementatuta baitauzka.