Fagor Arrasatek bere dibertsifikazioa indartu du ROBOHELIXen kapitalean sartuta

Fagor Arrasatek, material metalikoak eta konpositeak konformatzeko eta prozesatzeko ekipo-ondasunen garapenean espezializatutako MONDRAGON Korporazioko konpainiak, beste urrats bat egin du bere dibertsifikazio estrategian, ROBOHELIXen kapitalean sartuta. Enpresa, jatorriz australiarra eta egoitza Alemanian duena, Arkimedesen torlojuetarako (garraiatzaile helikoidalak) helizeen fabrikazioa automatizatzen duen teknologia patentatu bat garatu du, industria-sektore ugaritan aplikazioak dituena. 

Hitzarmena joan den ostegunean, maiatzaren 28an, sinatu zen Frankfurten. Hasiera baten, ROBOHELIXen %20ko partaidetza eskuratzen den arren, datozen urteetan gehiengo partaidetzara iristeko aukera zabalik dago. “Eragiketa hau guztiz lerrokatuta dago 2028ko Plan Estrategikoan jasotako gure dibertsifikazio estrategiarekin”, nabarmendu du Juan Etxebarriak, Fagor Arrasateko negozio-garapeneko zuzendariak.

Hasiera baten, ROBOHELIXen %20ko partaidetza eskuratzen den arren, datozen urteetan gehiengo partaidetzara iristeko aukera zabalik dago.

Teknologia aitzindaria, sektore anitzeko potentzialarekin 

ROBOHELIX 8 ardatzeko CNC makina robotikoekin sartu da merkatuan. Makina horiek helize metalikoak modu guztiz automatizatuan formatzeko gai dira, eta prentsa hidrauliko handien, trokel garestien eta eskuzko prozesuen beharra ezabatzen dute. Teknologia honek hobekuntza nabarmenak dakartza ekoizpen-abiaduran, doitasunean, segurtasunean eta kostu operatiboetan, metodo tradizionalekin alderatuta.

Etxebarriaren arabera, apustu teknologiko horri esker, Fagor Arrasatek hainbat sektoretan sartu ahal izango du, hala nola nekazaritzan eta elikaduran, kimika eta ongarrien sektorean, meatzaritzan eta mineraletan, petrolioan eta gasean, uraren eta hondakinen tratamenduan, obra publikoetan edo eraikuntzan. “Robohelixek gure gaitasunen oso osagarria den teknologia bat ematen digu, eta gure sektore tradizionalen – automobilgintza, etxetresna elektrikoak edo siderurgia – ziklo ekonomikoekin korrelaziorik ez duten industrietan sartzeko aukera ematen digu”, azpimarratu du. 

Fagor Arrasatek hainbat sektoretan sartu ahal izango du, hala nola nekazaritzan eta elikaduran, kimika eta ongarrien sektorean, meatzaritzan eta mineraletan, petrolioan eta gasean, uraren eta hondakinen tratamenduan, obra publikoetan edo eraikuntzan.

Industria-nitxo bat gidatzeko eskaintza integratua

Fagor Arrasateren sarrerak ROBOHELIXi bere produktua merkatuan parekorik ez duen industria-soluzio oso baterantz eskalatzeko aukera emango dio. Epe laburrean, helburua Arkimedesen torlojuen fabrikazioa osorik automatizatzea da, txapa ebakitzetik torloju bukatura arteko prozesua hartzen duen linea integratua eskainiz.

Bere know-how teknologikoaz gain, Mondragongo kooperatibak bere salmenta- eta zerbitzu-sare globala eskainiko du, ROBOHELIXi orain arte ez zuen merkatu-irismena eta sendotasun komertziala emanez. 

Hazkunde iraunkorreko estrategia

Eragiketa hau Fagor Arrasatek azken urteetan egindako beste mugimendu korporatibo batzuei gehitzen zaie, hala nola Ribinerf, Savvy Data Systems eta Primus Robotics enpresetan egindako inbertsioei. “torkizunean etor daitezkeen eragiketetako beste bat da, Fagor Arrasateren jarduera dibertsifikatzeko eta kalitatezko enplegua sortzeko dugun mandatuarekin bat etorri”, adierazi du Etxebarriak.

Urte batzuk barru, konpainiak 60 enplegu kualifikatu sortzea eta negozio-ildo berri honi lotutako 30 milioi euroko fakturaziora iristeko aukera aurreikusten du.

Urte batzuk barru, konpainiak 60 enplegu kualifikatu sortzea eta negozio-ildo berri honi lotutako 30 milioi euroko fakturaziora iristeko aukera aurreikusten du.

Eragiketa honetan, Fagor Arrasatek V4 Financial Partners eta KPMGren aholkularitza izan du; ROBOHELIXek, berriz, se2quel Partners LLCren aholkularitza izan du.