Elkartasunez beteriko doinu afrikarrek bete dute Monterron

Mundukidek antolatutako ikuskizun solidarioak jende asko batu zuen atzo iluntzean Monterronen, guztiak ere Mozambikerekin elkartasun keinu bat erakutsi guran.
Card image cap
2022/07/21

Afrikatik etorri berri diren 7 gazte ugandarrek; lurra, ohiturak, fedea, alaitasuna, mina, edertasuna deskribatuz egiten dute dantza, eta Ruandako danbor eta erritmo alaiak ere erabiltzen dituzte. Dantza garaikidea, afrikarra, tribala, kamera geldoan edo erritmo zoroarekin eskaintzen dute ikuskizuna. Afrikar ikuskizun garbia da, eta arrakasta handia lortu du kontzertua eman duten aldiro, baita atzokoan ere Arrasaten. Kampalako umezurztegian hazitako zazpi gazteek ehunka emanaldi egingo dituzte Euskal Herrian eta Espainian udaran zehar eta Arrasatekoa aurrenetakoa izan da.

Ttakun, kulturarteko zubia

Arrasateko Ttakun elkarteak dioenez, txalaparta kulturen arteko zubia da eta hori erakustera gerturatu ziren tta-kun tta-kun konpasaren magiaz. Eta Debagoieneko beste taldea Jaiki dantza elkartea izan zen, performanzeak gorputz-hizkuntza erabiltzen dute istorioak emozioz eta sentimenduz komunikatzeko. Monterroneko taula gainera igo eta oraingoan “euskafrika “ xarmadun ikuskizunarekin goza-arazi ziguten.

Arrasateko eta Debagoieneko herritarren konpromisoa indartzea da helburua

Jaialdiaren helburua, Arrasate eta Debagoienako herritarrek Mozambikeko lankidetza-programarekin duten konpromisoa indartzea da. Harremanek eta Mundukidek hogei urte baino gehiago daramatzate elkarlanean Mozambike iparraldeko korredoreko biztanleen bizitzak hobetzeko aukerak eskaintzen. Lankidetza programak hasi zituztenetik,  herrialdea erabat suntsituta zegoen eta hogei urte hauetan azpiegiturak, osasuna, hezkuntza eta jarduera ekonomikoa nabarmen hobetu badira ere, gaur egungo egoera oso kaskarra da oraindik milaka eta milaka pertsonentzat.

Duela hogei urte Marrupako barrutian 200 € baino gehiagoko uzta lor zezaketen hamar nekazari baino gutxiago zeuden eta orain ehunka dira balio hori lortzen dutenak. Duela hogei urte nekazari familien laurden batek ere ez bazuen bizikleta bat, orain gehiengoak daukate bizikleta eta askok motor txikiak izatea ere lortzen dute.

Kooperazio kooperatiboa