Elkarbizitza eta kulturartekotasuna Euskadiko ikasgeletan, erronka berriak

Mondragon Unibertsitateko Humanitate eta Hezkuntza Zientzien Fakultateak kulturarteko bosgarren jardunaldia antolatu du Eskoriatzan, «Kulturartekotasuna eta elkarbizitza. Zer ikasi dugu eta zer dugu ikasteko?» izenburupean. Abenduaren 13an, ostiralez, egingo da, eta kulturartekotasuna, ekitatea eta elkarbizitza landuko dira, adituen hitzaldien eta irakasle, familiarteko eta ikasleen testigantzen bidez. Jardunaldian parte hartu nahi dutenek aldez aurretik eman beharko dute izena.

Aurten, gizarteko aniztasun soziala eta familia migratuen etorrera ikusita, Euskadiko ikastetxeen gaur egungo erronkei heltzea erabaki du Fakultateak, desberdintasun ekonomiko eta soziala, arrazakeria, erlijio-aniztasuna eta abar aztertuz.

Era berean, «Kulturarteko bizikidetza ikastetxeetan. Zenbait gogoeta» izenburuko hitzaldia eskainiko du Moufdi Kamelek. Integraziorako eta Kulturen arteko Bizikidetzarako Euskal Zerbitzuko (Biltzen-eko) kideak

Jardunaldia 09:00etan hasiko da, Fakultateko dekano Nagore Ipiñak inauguratuta. Ondoren, sarrera etorriko da, Humanitate eta Hezkuntza Zientzien Fakultateko Ane Urizar, Marta Quintas-Quintas eta Amelia Barquín ikertzaileen eskutik. Geroago, zalantzak, gogoetak eta ikaskuntzak partekatuko dira bi mahai-ingurutan; lehenengoan, Eli Domínguez, Amaia Jackson eta Saioa Gómez Tejería irakasleek hartuko dute parte, eta bigarrenean, familiek eta ikasleek. Era berean, «Kulturarteko bizikidetza ikastetxeetan. Zenbait gogoeta» izenburuko hitzaldia eskainiko du Moufdi Kamelek. Integraziorako eta Kulturen arteko Bizikidetzarako Euskal Zerbitzuko (Biltzen-eko) kidea da Kamel, eta aditua kultura-aniztasunean, bizikidetzan, eta arrazakeriaren eta diskriminazioaren aurkako borrokan.

Egitaraua

09:00 – Harrera

09:15 – Aurkezpena. Nagore Ipiña Larrañaga, Humanitate eta Hezkuntza Zientzien Fakultateko dekanoa

09:30 – Sarrera. Humanitate eta Hezkuntza Zientzien Fakultateko ikertzaileak

Hizlariak: Ane Urizar, Marta Quintas-Quintas, Amelia Barquín

10:15 – I. mahai-ingurua. Irakasleen ahotsa

Hizlariak: Eli Domínguez, Amaia Jackson, Saioa Gómez Tejería

11:30 – Atsedenaldia

12:00 – Hitzaldia: Kulturarteko bizikidetza ikastetxeetan. Zenbait gogoeta

Hizlaria: Moufdi Kamel (Biltzen)

13:00 – II. mahai-ingurua. Familien eta ikasleen ahotsa

Hizlariak: Hajar Samadi, Ruba Hassan, Yuan Alexandra Martínez Pareja, Safuan Tahiri

14:15 – Ondorioak eta itxiera