Egibide ikastetxea FLL Euskadi-MONDRAGON torneoan izango da

Lau ikaslek osatzen dute garraiobideen berrantolaketa aztertu duen “Egibide Sharks” taldea.
2022/02/25

Gasteizetik ere ordezkaritza jasoko du aurtengo FLL Euskadi-MONDRAGON torneoak, NCLIC eta Egibidetik jasoko baitira taldeak. Egibide ikastetxeak zehazki 2019ko microFLL-an parte hartu zuen, eta bi urteko atsedenaldiaren ondoren, aurten torneora itzuli dira, “Egibide Sharks” taldea Challenge kategoriara aurkeztuta. “Egibide Sharks” taldeak egungo garraiobide sistemari irtenbide berritzaileak bilatzen jardun du, horretarako robotikaren arloa landuz.

First Lego League 2022

2022ko martxoaren 5ean izango da FLL Euskadi-MONDRAGON, Mondragon Unibertsitatearen Garaiako campusean. 40 talde elkartuko dira bertan, 20 Challenge kategorian eta beste 20 Explore kategorian, guztiak burbuilaka antolaturik, COVID-19aren aurreko segurtasun neurriak mantenduz.  

Teknologia berriak eta jakintza zientifikoak ezagutzea eta menderatzea da txapelketaren xedea. Horrez gain, talde-lana, sormena eta etengabe hobetzeko nahiaren balioak bultzatzea da oinarrian sustatzen diren helburuak. 

Irakaskuntza unibertsitate zentroa