Danobatgroup eta Mondragon Componentes-ek Global Innovation Day-n hartu dute parte

Industria

MONDRAGON taldeko makina-erreminta dibisioa

Etxeko energia iraunkorrean espezializaturiko zentro teknologikoa

Euskal berrikuntzaren hitzordu nagusia gaur, azaroak 3, izan da Barakaldoko Bilbao Exhibition Centren, eta streaming bidez ikusi ahal izan da 11:30etik aurrera.

2021/11/03

Global Innovation Day 2021en hamargarren edizioa streaming bidez transmititu da gaur, azaroak 3, eta web orri honen bidez jarraitu ahal izan da: https://www.innobasque.eus/microsite/global-innovation-day-2021/

Berrikuntzaren etorkizuna

Europan sortzen ari diren eta emaitza hobeak lortzen ari diren berrikuntza-joera nagusiak aurkeztu dira gaurko jardunaldian. Eraldaketa digitalarekin, iraunkortasunarekin eta konpromiso sozialarekin lotutako 6 berrikuntza-kasu praktiko ere ezagutarazi dira.

Programan jasotzen den bezala, jardunaldiari hasiera eman eta ongietorria egin ondoren, 6 kasu praktiko aurkeztu dira. Besteak beste, Kitchen Eye, ikusmen-arazoak dituzten taldeentzako entzima inklusiboa, eta Javier Aranceta Mondragon Componentes-eko Berrikuntza zuzendariak aurkeztu du proiektua.

Proiektuari buruzko informazio gehiago: J. Arancetarekin elkarrizketa.

Gero, 12:10 aldera, mahai-ingurua egingo da Euskadiko eta Europako berrikuntza-joerei buruz. Bertan, Pello Rodriguez, Danobatgroupeko zuzendari nagusiak parte hartu du eta Euskadin eta Europan sortzen ari diren berrikuntzako joerak eta I+G zein berrikuntza sustatzeko tresna berriak aztertu ditu. Rodriguezekin batera, elkarrizketa honetan parte hartuko dute Bea Mahieu Technopoliseko bazkideak, Ivan Marten Orkestra Lehiakortasunerako Euskal Institutuko presidenteak, Iñaki Garmendia Ega Masterreko Industria zuzendariak eta Leire Bilbao Innobasque Berrikuntzaren Euskal Agentziako zuzendari nagusiak.

“Global Innovation Day jardunaldian dugun presentziak argi uzten du berrikuntzaren aldeko apustua egin dugula, industria sektorearen eraldaketa digitalerako ezinbesteko tresnatzat baitaukagu".

"Danobatgroupen, berrikuntza ez da soilik gure bezeroen beharretara egokitutako produktu aurreratuak eta zerbitzuak garatzeko bidea ematen digun baliabidea; aitzitik, gure DNAn integratuta dago eta manufacturingari aplikatutako garapen teknologikoa ulertzeko gure moduaren parte da”, ziurtatu du Rodriguezek.