Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
Batzek eraso sexisten aurkako protokoloa aktibatu du
Batzek gaitzespen mezu argia helarazi nahi izan die kooperatibako bazkide eta langileei zein gizarteari oro har, emakumeen aldageletan instalatuta zegoen kamera bat aurkitu eta gero. Kooperatibak gaiari buruzko ikerketa iragarri du, “gertatutakoa lehenbailehen argitzeko eta hartu beharreko neurriak hartzeko”.
Hau da kooperatibaren mezua.
“Azken egunotan jazotako gertaeren ondoren, Batzek zera adierazten du:
- Lehenik eta behin, kooperatibak horrelako edozein ekintzaren aurkako jarrera berresten du, eta zinez gaitzesten eta arbuiatzen du.
- Berehala aktibatu da sexu jazarpen eta jazarpen sexistari buruzko gatazkak ebazteko dagoen protokoloa.
- Horretarako, Kooperatiba barruan izendatutako Aholkularitza Konfidentzialak, zuzendaritzarekin lankidetzan eta aipatu protokoloaren arabera, egin beharreko jarduera guztiak egin ditu gertakariak guztiz argi daitezen.
- Horrek Barne Prozesu bat abiaraztea eragin du, Kooperatibaren Estatutuetan eta Barne Araudian ezarritakoa aplikatuz, non denboran zehaztutako hainbat urrats egitea xedatzen den.
- Aldi berean, eragindako pertsonei babesa eman zaie Ertzaintzaren aurrean jarritako salaketa kudeatzeko.”