Kolektibitateentzako sukaldaritza eta garbiketa zerbitzuak
Irakurriena
- 1. AFM Klusterrak Jose Perez Berdud izendatu du presidente
- 2. Xabier Sotil: "Gazteak balioetan oinarrituta konbentzitu behar dira, etorkizuneko kooperatibak eraiki ditzaten"
- 3. Arizmendi eta Mundukideri esker, ordenagailuak Brasilgo eskoletara
- 4. Mondragon Unibertsitateak eta Elayk bat egin dute automobilgintzarako pieza metalikoen fabrikazioa hobetzeko
- 5. Kargadore inalanbrikoa garatu du Ikerlanek, Europa mailako proiektu baten baitan
- 6. Orbeak 170 lanpostu berri sortu eta 282 milioi euro fakturatu zituen 2021ean
- 7. Euskara Planaren 20. urteurrena ospatu du Batz kooperatibak
- 8. Covid-19 kasu positiboen kontaktuak arakatzeko taldearen lana bikaina izan da kooperatibentzat
- 9. Soralucek 60 urte betetzen ditu fundatzaileen adorea eskertuz
- 10. SHREC taldeko nazioarteko adituak energia berriztagarrien inguruan arituko dira Garaian
Ausolan Fundazioak Elikabizia aurkeztu du
Ausolan Fundazioak, Ausolan Taldearen irabazi-asmorik gabeko erakundeak, Euskal Autonomia Erkidegoko eta Nafarroako Ausolan hezkuntza proiektuko taldearekin lankidetzan, eskola erakusketa bat gauzatu du, Elikabizia izenekoa.
Aurkeztuko diren mezu nagusien artean, honako hauek dira nabarmentzekoak: “Elikagai osasungarriko, askotarikoko eta kopuru egokiko elikadura sustatzea, azukre kontsumoa murriztea, etiketak irakurtzen ikastea aukera osasungarria egin ahal izateko, janaria alferrik botatzea saihestea…”, nabarmendu du Ausolan Fundazioko lantaldeak.
Ekimena Ausolan Fundazioaren Gozatu osasuna proiektuaren barruan dago. Proiektuaren helburua da familietan ohitura eta bizi ingurune osasungarrietan oinarritutako hezkuntza sustatzea.
Erakusketak eskola komunitate osoarentzako hezkuntza baliabide bihurtu nahi du, bai ikasleentzat, bai irakasleentzat, eta baita familientzat ere. Izan ere, ikasleen eta hezkuntza komunitate osoaren partaidetza eta inplikazioa dira bizi ohitura osasungarriak eta iraunkorrak lortzeko prozesuan emaitza ezin hobeak izateko motor nagusiak. “Ondarea ez da etorkizuneko belaunaldientzat mundu hobea uztea, baizik eta jokabide erantzunkideetan heztea, mundua hobetu dadin”, adierazi dute Ausolaneko Euskal Herriko hezkuntza proiektuaren arduradunek.
Elikabizia proiektua gaur hasiko da eta maiatzaren 11ra arte Euskal Autonomia Erkidegoko eta Nafarroako hainbat ikastetxetan ibiliko da, 4.000 ikasle baino gehiagotara iristeko helburuarekin. Gainera, ikasleekin prestakuntza tailerrak egingo dira, bai eskola ordutegian, bai eskolako jantokian; eta familientzako gida bat diseinatuko da, ohitura osasungarriak hartzen laguntzeko funtsezko elementuekin.
Erakusketa horretan, elikadura hiru ikuspuntutatik aztertuko da: osasuna, ingurumena eta justizia soziala. Edukiak NBEk onartutako Agenda 2030eko Garapen Iraunkorreko Helburuekin lotuko dira, gosearen aurkako borrokan, norberaren osasuna zaintzean, ingurumena babestean eta kontsumo arduratsuan guztion ekarpena sustatzeko, besteak beste.
Kolektibitateentzako sukaldaritza eta garbiketa zerbitzuak
