Komunikazioa, marka, estrategia eta kontakizuna, K-FOROA 2025aren osagai nagusiak

Teknologia eta berrikuntza

"Jakinarazten ez dena, ez da existitzen". Marshall McLuhan ospetsuari (filosofo, idazle eta irakasle kanadarrari) egozten zaion aforismoak hitz gutxitan laburbiltzen du enpresen egiten dutena komunikatzeko, eta ekintza horien zentzua ere, balioesteko beharra .

2025/05/09

Komunikazio Foroa ezinbesteko hitzordua bihurtu da MONDRAGONeko kooperatibetako komunikazio eta marketin arduradunentzat. Korporazioko kooperatibetan zeregin horren ardura duten pertsonentzat joerak, tresnak eta komunikazio-estrategiak ezagutu eta partekatzeko gunea da.

Atzo egin zen 7. edizioa, Irudienea izeneko espazio berrian, Mondragon Unibertsitatearen Humanitate eta Hezkuntza Zientzien Fakultatean, Aretxabaletan (Gipuzkoa). Saio arina, dibertigarria, dinamikoa eta oso "eraikitzailea" izan zen. Pello Rodriguez MONDRAGONeko presidenteak eman zion hasiera saioari. Bere atzetik, Javier Marcos eta Iban Garate, biak ala biak Korporazioko Komunikazio sailekoak, MONDRAGONi buruz eta komunikazio "onaren" erronkei buruz mintzatu ziren.

Ane Zuazubiskar Ikus-entzunezko Komunikazioko fakultateko irakasle eta ikertzaileak moderatutako mahai-inguruan, Fagor Arrasateko Edorta Mendietak, Move Brandingeko Marisol Ruizek, Ander Etxeberria, Zabalkunde Kooperatiboko arduradunak eta Lucia del Valle, FMREko (Espainiako Marka Entzutetsuen Foroa) Komunikazio zuzendariak hartu zuten parte.

Mendietak azken 10 urteotan MONDRAGONeko kooperatiba industrialetan komunikazioak izan duen bilakaera azpimarratu zuen: "Produktu oso onak egitea saltzeko nahikoa zela pentsatzetik, produktu bikainak egin bai, baina komunikazioan ere ahalegin estrategikoa egitera pasa gara". Besteak beste, mezuen inguruan egin zuen ekarpena Ander Etxeberriak, "komunikazioa ulerterraz eta esanahi argia daukaten kontzeptuak baliatuz egin behar dugu. Denok zentzu berean ulertzeko hitzekin esplikatu gure indarguneak, egunerokoaren gertutasunarekin, hitz handiak eta konkreziorik gabeak erabili beharrean".

MOVE Branding-eko Marisol Ruizek, ahotsak komunikatzeko duen gaitasunari heldu nahi izan zion, "ahotsaren indarra ikaragarria iruditzen zait. Asko hitz egiten da bideoaz, eta horrekin ados, baina ahotsa ere historiak kontatzeko tresna indartsua dela deritzot". Lucia del Vallek aldiz, kontakizunean datuek daukaten lekua aldarrikatu zuen: "Datuek kontatzen dena berresten dute. MONDRAGONek sortzen duen errealitatea baliatu behar du, benetakoa delako eta demostratu litekeelako, greenwashing eta socialwashing-aren bueltako balizko zalantzak akabatuz".

Xabi Igoak eta Bea Laskurainek ikuspuntu praktikoa eman zioten ekitaldiari. Igoak ikus-entzunezko produkzioaz hitz egin zuen, irudien aroaz, datuez eta ikus-entzunezko joerez. Laskurain, bigarren urtez jarraian, adimen artifizial generatiboko hainbat tresna aurkezten ditu. Komunikaziorako tresna baliodunak.

Ekitaldiaren argazki galeria.

Harpidetu gure buletinera

Eraldatu, erreferentzia izaten jarraitzeko_637

Bideo ikusienak

Harpidetu gure buletinera

Irakurriena

Albiste erlazionatuak

Bideo ikusienak