Lea Artibai Ikastetxeak ostegunean ospatuko du LAIkoloreak jardunaldiaren laugarren edizioa

LAIkoloreak ekimena ikastetxeko aniztasuna balioan jartzeko eta kultura arteko bizikidetza sustatzeko helburuarekin sortu zen. Urtez urte, ekimenaren parte-hartzea handituz joan da, ikasleen jatorri, hizkuntza eta kultura desberdinen aberastasuna ikusgarri eginez.

LAIkoloreak ekimena ikastetxeko aniztasuna balioan jartzeko eta kultura arteko bizikidetza sustatzeko helburuarekin sortu zen 

Jardunaldiak goiz osoan zehar hainbat ekintza bilduko ditu. 11:00etan hasiera emango zaio ikasleek prestatutako janari, jolas eta dekorazio anitzei, baita bigarren eskuko azokari ere. 12:00etan herri kirolen saioa egingo da, eta amaitzeko, 13:00etan musika eta dantza erakustaldi multikulturala izango dugu.

Helburua argia da: aniztasuna ospatzea eta komunitatean errespetua, inklusioa eta elkar ezagutza sustatzea. Ildo horretan, LAIkoloreak jardunaldiak aukera eskaintzen du ikasleen kulturak eta esperientziak partekatzeko, giro parte-hartzaile eta irekian.