Fagor Healthcare finalista da Health Revolution Awards 2026 sarietan

Barcelona & Madrid Health Hub-ek antolatutako sari hauek osasun digitalaren eta farmaziaren alorreko bikaintasuna eta berrikuntza teknologikoa saritzen ditu.

Izendapen honek balioan jartzen du Fagor Healthcarek berrikuntzarekin duen konpromisoa, baita farmazien eguneroko kudeaketa optimizatzeko eta, batez ere, pazienteen bizi-kalitatea hobetzeko diseinatutako soluzioen garapena ere, atxikimendu terapeutikoa sustatuz. Mugarri honek MONDRAGON Healthek burujabetza teknologikoan eta balio erantsi handiko osasun-zerbitzuetan erreferente gisa kokatzeko duen estrategia indartzen du.

Fagor Healthcare farmazia-sektorearen aliatu estrategiko gisa finkatu da merkatuan. Bere jardunaren ardatza tratamenduen jarraipena eta atxikimendu terapeutikoa errazten duten soluzio integralak garatzea da

Sarien amaierako ebazpena datorren maiatzaren 27an egingo da, Health Revolution Congress kongresuan. Azken erabakia aditu-talde baten esku egongo den arren, antolakuntzak bozketa publikoa ireki du, sektoreak eta erabiltzaileek hautagaitzak babestu ditzaten. MONDRAGON Healthek komunitate osoari eta sektoreko eragileei dei egiten die Fagor Healthcareren izendapena babesteko kongresuko atari ofizialaren bidez: Eman botoa hemen.

Berrikuntza, pazientearen eta farmaziaren zerbitzura

Fagor Healthcare farmazia-sektorearen aliatu estrategiko gisa finkatu da merkatuan. Bere jardunaren ardatza tratamenduen jarraipena eta atxikimendu terapeutikoa errazten duten soluzio integralak garatzea da, hori baita edozein osasun-interbentzioren arrakastarako faktore kritikoa.

Bere jarduera-ildo nagusien artean, Dosifikazio Sistema Pertsonalizatua (SPD) nabarmentzen da; botikak prestatzeko prozesua automatizatu eta digitalizatzen duena, pazientearen segurtasuna bermatzeko. Horrez gain, osasun digitaleko soluzioak ere eskaintzen ditu, besteak beste, WhatsApp bidezko abisu-sistema bat, patologia kronikoen kontrol zehatzagoa ahalbidetzen duena.