Irakurriena
- 1. Osasungintzaren sektoreko posizioa indartu du Fagor Taldeak, Fagor Healthcare kooperatibarekin
- 2. Orca, Orca Aero eta Lotto-Intermarché taldearen 2026ko bizikletak aurkeztu ditu Orbeak
- 3. Batzek, Velatiaren aeronautikako osagaien unitatea erosteko aurreakordioa itxi du
- 4. Fagor Ederbatt, Dakarreko historiako lehen kamioi hibridoaren bultzatzaile
- 5. Agur, Jose Antonio Ajuria
- 6. MONDRAGON Foroaren XIII. edizioa, TU Lankideren zenbaki berriko gai nagusia
SPRIk enpresentzako zenbait laguntza-programarekin hasi du 2026a
Industria, Trantsizio Energetiko eta Jasangarritasun Sailak, SPRI Taldearen bitartez, aurtengo lehen laguntza-deialdiak ireki ditu.
Euskadi 2030 Industria Planaren helburua lehiakortasuna indartzea, I+G+b sustatzea eta enpresen hazkundea babestea da. Une honetan, jarduera desberdinetara bideratutako bost programa aktibo daude.
Hazitek: I+G enpresariala
Ikerketa industrialari eta garapen esperimentalari laguntzeko erreferentziazko programa da. Itzuli beharrik gabeko dirulaguntzak eskaintzen ditu proiektu lehiakorretarako (produktu berrien garapena) zein estrategikoetarako (potentzial eraldatzaile handia duten lankidetza-proiektuak). Deialdia zabalik dago eta eskaerak aurkezteko epea 2026ko otsailaren 27an amaituko da.
Dibertsifika 2026: hazkundea eta inbertsioa
Inbertsio produktiborako laguntza eskaintzen du (makinak, instalazioak, teknologia) negozio-lerro berriak ireki edo jarduera dibertsifikatu nahi duten enpresentzat. Gutxienez 200.000 euroko inbertsioa behar da enpresa txiki eta ertainentzat, eta 1,5 milioi eurokoa enpresa handientzat.
Gaur egun, aurre-baldintza irekian dago. Horrek aukera ematen die enpresei inbertsioak berehala hasteko, behin betiko ebazpenaren zain egon gabe, gastua diruz laguntzeko modukoa dela ziurtatuz.
Elkartek eta Azpitek: lankidetza eta azpiegitura
Elkartek programak Zientzia, Teknologia eta Berrikuntzaren Euskal Sareko (ZTBES) erakundeek elkarlanean egindako ikerketa finantzatzen du.
Azpitek, bestalde, ekipamendu zientifiko-teknikoa eta ikerketa-azpiegiturak erosteko eta eguneratzeko laguntzak eskaintzen ditu.
Bi programa horietarako, eskabideak aurkezteko epea 2026ko martxoaren 27an amaituko da.
Datuaren heldutasunaren diagnostikoa
Aholkularitza-zerbitzu espezializatuak kontratatzeko dirulaguntzak eskaintzen ditu, erakundearen datuen egungo egoeraren diagnostikoa egiteko. Helburua da identifikatzea zer datu sortzen diren, nola biltegiratzen diren eta zer potentzial duten negozioa hobetzeko. Aholkularitza-gastuen % 80 arte estaltzen du (12.000 €gehienez).
Informazio gehiago: Eskaera guztiak telematikoki kudeatzen dira SPRI Taldearen laguntza-plataformaren bidez.
