TUlankide MONDRAGON

PBL Day jardunaldiaren edizio berria egingo du bihar Mondragon Unibertsitateak

2020/03/03

Hernanin egingo da, Orona Ideoko Campusean, goizeko 8etatik aurrera. Guztira, 25 proiektu finalista aurkeztuko dira.
PBL Day jardunaldiaren edizio berria egingo du bihar Mondragon Unibertsitateak

2017ko bigarren edizioan sari bat eskuratu zuen taldea.

Mondragon Unibertsitateak PBL (Proiektuetan Oinarritutako Ikaskuntza) ikaskuntza-metodologiaren inguruko jardunaldia antolatu du, Orona Fundazioarekin batera. Jardunaldia bihar egingo da, martxoak 4, goizeko zortzietatik ordubietara 08:00etatik Orona Ideo campusean.

Ingeniaritzako 500 ikasletik gora eta batxilergoko beste 100 inguru bilduko dira jardunaldian

Mondragon Unibertsitateak metodologia hori erabiltzen du, ikasleek benetako arazoei aurre eginez ikas dezaten. Unibertsitateak metodologia horretan oinarrituta eskaintzen dituen bederatzi ingeniaritza-graduetako ikasleen proiektuak izango dira ikusgai. Zehazki, lehen, bigarren eta hirugarren mailako ikasleek diseinatu dituzten benetako proiektuak erakutsiko dira, eta proiekturik onena eta berritzaileena aukeratuko dituzte jardunaldian.

Estatuan aitzindaria den irakaskuntza-metodoa da PBL, eta arazoak ikuspegi orokor batetik, eta ez gertakari edo materia isolatuak balira bezala, ebaztearen alde apustu egiten du, benetako bizitzan gertatzen den moduan. Horrela, ikasleek bereganatutako ezagutza guztiak aplikatzen dituzte eta lan-taldeek elkarlanean jarduten dute.

Ingeniaritzako 500 ikasletik gora eta batxilergoko beste 100 inguru bilduko dira jardunaldian, eta graduko ikasleek egindako 150 proiektu baino gehiagoren artean aukeratutako 25 proiekturik onenak jarriko dira ikusgai. Proiektu finalisten artean honako hauek ditugu: apurtutako masail-hezurrerako irtenbideen garapena, muskulu artifizialeko prototipoaren garapena, audio-anplifikadorea, haize-turbina tolesgarria, automobila altxatzeko katu mekanikoa, banbuzko tandem bizikleta, kartoizko barrualdea duen surf-taula eta abar.

Eguraldia
Larunbata 24 Min: 8
Max: 19
Igandea 25 Min: 9
Max: 17
Astelehena 26 Min: 5
Max: 14
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak