Orbea Gravel Arabar Errioxa lasterketa jaio da, mahasti artean gozatzeko abentura

Bizikleten fabrikazioa

Orbea Gravel Arabar Errioxa lasterketaren lehenengo edizioa urriaren 29an jokatuko da Biasterin. Abentura kutsua izango du eta bi ibilbide izango dituzte aukeran parte-hartzaileek, bat 78 kilometrokoa eta bestea 113koa. Ekintza kulturalak, enologiko eta gastronomikoak ere ez dira faltako.

2022/07/01

Orbearen markapean jaio da lasterketa, edo abentura, Arabar Errioxako bihotzean eta bi ibilbide izango ditu. Batek 78 km eta 1.090 metroko desnibela izango du. Bigarrenak 113 km izango ditu eta 1.560 metro igo beharko dituzte. Gainera, parte-hartzaileek Arabar Errioxako kultura, gastronomia, enologia eta geografia ezagutu ahal izango dituzte, beti ere gravel bizikleta baten gainean.

Izen-emateak 59 euro balio du, gaurtik urriaren 9ra, eta ondoren hamar euro garestituko da.

Esperientzia izugarria izango da eta bost zentzumenak aktibatzeko aukera eskainiko die txirrindulariei. Hain justu ere, ardoaren historia, mahastien gaineko informazioa eta inguru haietako sekretu eta altxorrak ezagutzera emateko gida-lagunak ere izango dira.

Izen-emateak 59 euro balio du, gaurtik urriaren 9ra, eta urriaren 10etik froga egunera bitartean, hamar euro garestituko da.