MONDRAGONek enpresarik berritzaileenaren “Cambio Financiero” saria jaso du

2012/11/28

Joan den astelehenean, azaroak 26, MONDRAGON Korporazioko Berrikuntza, Sustapen eta Ezagutzako lehendakariorde Javier Sotilek enpresarik berritzaileenari emandako “Cambio Financiero” saria jaso zuen, Madrilen. Errekonozimendu horren bitartez, EIG Multimedia Taldearen aldizkari ekonomikoak Korporazioak bere enpresa ibilbidean izandako jarrera berritzailea saritzen du.

MONDRAGONek enpresarik berritzaileenaren “Cambio Financiero” saria jaso du

Javier Sotil, ezkerretik bigarrena goiko ilaran.

"Cambio Financiero” sarien lehenengo edizio honen xedea da “enpresa eta finantzen balioa eta ahalmen ekintzailea saritzea, garapenean laguntzeko talentua, sormena eta berrikuntza behar diren garaiotan”.

"Sariak Korporazioak bere historian zehar izan duen jarrera berritzailea aitortzen du"

Oraingo honetan, Gas Natural eta Inditex enpresek urteko enpresarik onenaren saria eraman zuten, eta Juan Jose Hidalgok (Globalia) eta Angel Ronek (Banco Popular) enpresaririk onenarena eta ibilbide profesionalik onenarena bereganatu zuten, hurrenez hurren.

Sarien lehenengo edizio honetan, gainera, saria eraman zuten BBVA, Repsol eta Vodafone enpresek, Erantzukizun Sozial Korporatiboaren kategorian; Telefonica, proiekzio internazionalik handiena duen enpresa gisa; Iberdrola, Komunikazioan; FCC, enpresa ibilbiderik onena; eta Ingeteam eta Sener, Ikerketa Garapenaren sariaren irabazleak.