Kooperatibak, Bikain

Atzo Kursaalen egin zen Bikain sariak emateko ekitaldia, eta guztira 37 erakundek jaso zuten Euskararen Bikain Kalitate Ziurtagiria. Horietatik 16 MONDRAGONeko erakundeak izan ziren: 11 kooperatibak goi-mailako ziurtagiria jaso zuten, 4 kooperatibak erdi-mailakoa, eta beste batek oinarrizkoa. Bikain ziurtagiria Eusko Jaurlaritzak eta Euskalitek kudeatzen dute, eta erakunde publiko eta pribatuei zuzenduta dago. Atzokoa 2024ko bigarren edizioa izan zen.

MONDRAGONen euskal kooperatibetako langileen %80k baino gehiagok euskara plan edo dinamikak dituzten languneetan dihardute

Saria jasotzera iristeko bidean, prozesu interesgarria bizi izan dute erakundeek: euskara batzordeen eta euskara planeko lantaldeen bidez, barne analisia egin eta hobekuntzak planifikatu eta exekutatu dituzte, eta organoekin lankidetzan, ebaluaziorako prestatu dira. Ondoren, Bikain ebaluatzaile klubak antolatutako ebaluazioa jaso dute, eta txostena jaso, emaitzarekin, indarguneak eta hobetzekoak azpimarratuta.

Atzoko ekitaldiarekin, erakundeek euskararen kudeaketan eta garapenean eman dituzten aurrerapausoak aitortu dira. Eta MONDRAGONeko kooperatibek erakutsi dute aitzindariak direla arlo sozioekonomikoan euskara normalizatzeko prozesuan.

MONDRAGONeko 34 kooperatibak dute Bikain ziurtagiria: 21ek goi-mailakoa, 12k erdi-mailakoa eta 1ek oinarrizkoa

Bikain ziurtagiridun kooperatibak

1. Osatu S. Coop. (Bexen Cardio)
2. Krean S. Coop.
3. LagunAro Servicios, S. Coop. (Arrasateko egoitza)
4. LKS S. Coop.
5. Soraluce S. Coop.
6. Copreci S. Coop.
7. Danobat Group S. Coop.
8. Danobat S. Coop.
9. Eika S. Coop.
10. Fagor Arrasate S. Coop.
11. Fagor Automation S. Coop.
12. Fagor Electrónica S. Coop.
13. Ideko S. Coop.
14. Koniker S. Coop.
15. Mondragon Assembly S. Coop.
16. Mondragon Corporación Cooperativa S. Coop.