Javier Amezaga, MONDRAGONen Ekipamendu Dibisioko zuzendari nagusi berria

Javier Amezaga Salazar da MONDRAGONen presidenteorde eta Ekipamendu Dibisioko zuzendari nagusi berria. Dibisio hau Dikar, Ederfil-Becker, Eredu, Gerodan, Hertell, Mccgraphics, Oiarso, Orbea, Osatu eta Urola kooperatibek osatzen dute. MONDRAGONeko industria arloan aniztasun handieneko Dibisioetako bat da, hainbat sektoretarako jarduera sorta zabala biltzen baitu.

Ekipamendu Dibisioak gaur egun 1.500 pertsona inguru enplegatzen ditu, eta 2024an 700 milioi eurotik gorako salmenta-bolumena izan zuen; horietatik %83 nazioartean.

Juan Angel Garcia ordezkatuko du karguan, honek beste etapa profesional bati ekingo baitio Dibisioaren zuzendaritza nagusian 8 urte eman ondoren.

Amezaga (Barakaldo, Bizkaia, 1967) industria-ingeniaria da Euskal Herriko Unibertsitatean, eta hiru master egin ditu: Logistika Integralean, Kataluniako Logistika Institutuan; Enpresa Kooperatiboetan, Otalora Prestakuntza Zentroan; eta Enpresen Administrazio eta Zuzendaritzan Executive bat, Esaden. Era berean, Kontseilariak programaren zertifikazioa dauka, IC-Ak emana (Espainiako Kontseilari eta Administratzaileen Elkarteak).

Bere ibilbide profesionala Eroski Taldeari lotuta egon da, eta hainbat kargu eta erantzukizun izan ditu bertan, hala nola Logistika zuzendari, eta Caprabo zein Eroski Taldeen zuzendari nagusi. Urte hauetan, milaka pertsona inplikatu dituzten eraldaketa-prozesu ugari zuzendu ditu, eta hausnarketa estrategikoko prozesu askotan buru izan da. Egun, Eroski Taldearen zuzendari korporatiboa da, eta erakundearen hiru filial nagusienetako administrazio kontseiluen presidente ere bada. Gainera, 2015etik MONDRAGONen Batzorde Iraunkorreko kidea da, eta Erkop Taldea koordinatzeaz arduratzen da (lau kooperatiba biltzen ditu: Ausolan, Barrenetxe, Behi Alde eta Miba).

Amezagak 2025eko otsailaren 1ean hasiko du bere agintaldia Ekipamendu Dibisioaren buruzagitzan.