Industrian ere, genero berdintasunaren aldeko urratsak gero eta nabarmenagoak

Zortzi kooperatibek osatzen dugu Fagor Taldea

Fastening Solutions, Plastics eta Sarbide Automatikoak

Fagor Taldean Berdintasun Batzordea 2021ean eratu zuten, eta gaur egun Taldeko kooperatibetako ordezkari banak osatzen dute batzordea. Errekan, esaterako, soldata-arrakala murrizteko eta langileen arteko ratioa bidezkoagoa izateko lanean ari dira.

2023/03/08

Industria sektorea oso maskulinoa bada ere, gero eta urrats gehiago ari dira ematen MONDRAGON Korporazioko kooperatibak genero berdintasunaren eta emakumeen presentzia areagotzearen alde.

2021ean sortu zen Fagor Taldeko Berdintasun Batzordea eta ordutik lanean dihardu bi egiteko nagusirekin: Taldeko kooperatibetan genero perspektiba txertatu eta kooperatiba ezberdinak genero berdintasunaren arloan dituzten beharrak eta baliabideak partekatu.

2023an aurrera pausoak emango dituzte eta epe luzerako estrategia identifikatzea eta bide-orria zehaztea da helburua. Fagor Taldetik kanpo ere, beste hamaika kooperatibetan neurriak hartzen ari dira. Errekan, esaterako, urteak daramatzate emakumeen eta gizonezkoen arteko berdintasunaren aldeko neurriak hartzen. Bide horretan, soldata-arrakala murrizteko eta langileen arteko ratioa bidezkoagoa izateko lanean ari dira.

2023an aurrera pausoak emango dituzte eta epe luzerako estrategia identifikatzea eta bide-orria zehaztea da helburua

Martxoak 8aren harira, emakumeen lanak industrian izan duen ibilbidearen eta gaur egungo egoeraren inguruan solasean aritu dira kooperatibako bi kide: Marijo Iparragirre eta Nerea Agirrezabala.