Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. Arizmendiarrieta Gunea zabalik da Otaloran
- 2. Eroski Taldeak 17,8 milioi euroko emaitza positiboa izan du 2026ko lehen hiruhilekoan
- 3. LKS Next-ek 85 milioi euroko langa gainditu du 2025ean eta % 19ko bilakaera izan du 2026ko hasieran
- 4. "Kooperatibismoari kontakizuna falta zaio. Ez istorio faltagatik, baizik eta kodeak ez direlako gaur egungoekin bat etortzen"
- 5. Batzek 69 milioi euroko finantzaketa sindikatua itxi du 2032ra arteko hazkundea sustatzeko
- 6. MONDRAGONek 11.322 milioiko salmentak lortu zituen 2025ean, eta 1.346 enplegu berri sortu
Industria eremuko startup-ak sustatzeko bigarren foroa egingo du MONDRAGONek
MONDRAGON Sustapen Zentroaren bitartez, Korporazioak bultzatu du Keiretsu Forum-en bigarren edizioa eta aurtengoa otsailaren 23an izango da, Garaia Zentro Teknologikoan, Arrasaten. Hain justu ere, Sustapen zentroaren misioa da ekintzailetza, dibertsifikazioa eta enpresa aktibitate berriak sustatzea.
Sustapen zentroaren misioa da ekintzailetza, dibertsifikazioa eta enpresa aktibitate berriak sustatzea
Foroa mahai inguru batekin hasiko da eta bertan izango dira industria arloko zenbait enpresa, berrikuntza irekian eta Industry 4.0 arloetan oso aktiboak direnak, eta baita arrisku kapitalean adituak diren zenbait ordezkari ere. Parte-hartzaileek bertatik bertara adibide ezberdinak ezagutzeko aukera izango dute, industrian izandako inbertsioak, esperientziak, aukerak eta zailtasunak besteak beste.
Ondoren, inbertsio foroa egingo da, industria eremuan dauden startup ezberdinak aurkeztuko direlarik. Hain justu ere, aipatu enpresen aukeraketa MONDRAGON Sustapen Zentroak eta Keiretsu Forumek egin dute.
Izen ematea zabalik
Foroan parte-hartu nahi duen orok eman dezake izena dagoeneko honako FORMULARIOA beteta edo eta mondragon-cp@mondragoncorporation.com helbidera eskabidea bidalita.
Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
