Helena Resano, Atresmediako kazetaria, Komunikazio Foroan

Goizeko 9:30tik eta 13:30ra MONDRAGONen Komunikazio Foroa ospatzen ari da Donostian, Basque Culinary Centerren. Bertan batu dira Korporazioko kooperatiba askotako komunikazio arduradunak. Saioa Iñigo Ucin presidentearen ongietorriarekin hasi da eta ondoren Helena Resano, Atresmediako kazetari ezagunak, hartu du hitza.

"Hizkuntza samurra eta ulergarria erabili, izenburu laburrak eta erakargarriak, ekindin anglizismoak, esan deigun beti egia, naiz eta zaila izan, ez sartu arazoetan eta inpaktatu zuen komunikazioarekin" gomendatu die Resanok Forora gerturatutakoei. 

Krisi komunikatiboa

Komunikazio foroa interkooperazio espazio bat da non MONDRAGON Korporazioan dauden kooperatibetako Komunikazio eta Marketin arduradunek parte hartzen duten

Kafearen ondoren Miguel Lopez Quesadaren txanda izango da. Gestamp-eko komunikazio zuzendari eta DIRCOMeko presidenteak krisia eta komunikazio izango ditu hizpide bere hitzaldian. Eta bigarren ponentziaren ondoren mahai inguru bat egingo da, Pili Kalzada kazetari eta Linking Ideas-eko bazkideak moderatuta. Besteak beste, mahai inguruan Alejandro Martinez Berriochoa, Eroski Fundazioko zuzendari nagusia; Aritz Otxandiano, Fagor Taldeko Jasangarritasun eta Komunikazio zuzendaria; Adriá Gelabert, Anthesis Lavolako Merkatu zuzendaria; eta Patricia Gutierrez, Basque Culinary Center-eko Komunikazio eta Marketin zuzendaria izango dira.