FLL Euskadi MONDRAGON, bihar Iturripeko Campusean

Ezagutza

Kolektibitateentzako sukaldaritza eta garbiketa zerbitzuak

Fastening Solutions, Plastics eta Sarbide Automatikoak

Zortzi kooperatibek osatzen dugu Fagor Taldea

Ikerketa zentro teknologikoa

Finantza eta aseguru zerbitzuak.

Erreferentea Automoziorako dekorazioan eta piezen konplexutasun funtzionalean.

Irakaskuntza unibertsitate zentroa

Hamar, bederatzi, zortzi, zazpi, sei, bost, lau, hiru, FIRST, LEGO, LEAGUE... Dena dago prest bihar egingo den ZTIM hezkuntzaren festa handiaren hasierarako. Mondragon Unibertsitatearen Iturripeko Campusean da hitzordua, goizeko 10etatik aurrera. Eta dagoeneko 'klasiko' bilakatu den atzerako kontaketarekin hasiko da.

2023/03/03

FLL Euskadi MONDRAGONek 400 neska mutiko inguru erakarriko ditu bihar Arrasatera, Challenge (9-16) eta Explore (6-9) kategoriatan. Guztira Euskal Autonomia Erkidegoko hamabost ikastetxe eta eskola ezberdinetako ordezkariak arituko dira nor baino nor ZTIM ikasketen lehiaketa erreferentean.

Biharkoa gainera, azken urteotakoa bezalaxe, hiru sedetan egingo da: Bilbon, Donostian eta Arrasaten. FLL Euskadi festa handia da, berrikuntzaren festa, eta dozena bat ediziotan milaka lagun erakarri ditu berrikuntzara, teknologiara eta ZTIM ikasketetara.

Eta noski, MONDRAGONek ZTIM ikasketen aldeko apustua egiten du: zientziagatik, teknologiagatik, ingeniaritzengatik eta matematiken heziketagatik. Eta bereziki pertsonengatik, bihar Arrasatera gerturatuko diren ehunka gazteengatik. Korporazioak Innobasquek sustatzen duen FIRST LEGO League babesten du, modu dibertigarrian ZTIM ikasketetara gerturatzen dituelako gazteak.

Ekitaldia goizeko 10etan hasiko da, irekiera ekitaldiarekin. Bertan izango dira aurtengo antolatzaile eta babesle nagusiak, lehiaketako protagonista nagusienekin batera

Ekitaldia goizeko 10etan hasiko da, irekiera ekitaldiarekin. Bertan izango dira aurtengo antolatzaile eta babesle nagusiak, lehiaketako protagonista nagusienekin batera. Ekitaldi hasieraren ondoren Robotaren jokoa egingo dute Iturripen bertan, eta Mondragon Unibertsitateko gela ezberdietan proiektuak aurkeztuko dituzte. Aurtengo gaia energia da, Superpowered izanburupean. FLL Euskadi MONDRAGONi 16:00etan emango zaio amaiera, itxiera ekitaldiarekin.