Irakurriena
- 1. Ruben Gabilondo, Orbeako presidentea: “Orbeako urte onenetako batzuk bizitzea tokatu zait”
- 2. Arizmendiarrieta Gunea zabalik da Otaloran
- 3. Eroski Taldeak 17,8 milioi euroko emaitza positiboa izan du 2026ko lehen hiruhilekoan
- 4. LKS Next-ek 85 milioi euroko langa gainditu du 2025ean eta % 19ko bilakaera izan du 2026ko hasieran
- 5. "Kooperatibismoari kontakizuna falta zaio. Ez istorio faltagatik, baizik eta kodeak ez direlako gaur egungoekin bat etortzen"
- 6. Batzek 69 milioi euroko finantzaketa sindikatua itxi du 2032ra arteko hazkundea sustatzeko
Fagor Etxetresnetako bezeroarendako arreta zerbitzua 24 orduz egongo da eskuragarri
Fagor Etxetresnen bezeroek edozein momentutan deitu dezakete, produktu eta zerbitzuen edo salmenta lekuen gainean informazioa eskatzeko, zalantzak argitzeko, produktuen esku-liburuxkak eskatzeko edo zerbait hondatu dela abisatzeko. Abisu horiek jaso eta 24 lan-orduren barruan konpontzeko helburua jarri dio Fagorrek bere buruari.
Iaz, Bezeroarendako Arreta Zerbitzuak 1.200.000 kontaktu baino gehiago atenditu zituen, eta arduradunek uste dute, zerbitzua handituta, aurten dei gehiago izango dituztela.
Fagor Etxetresnen zerbitzu tekniko sareak Hego Euskal Herriko eta Espainiako 100 leku baino gehiagotan ematen du taldearen markendako zerbitzu esklusiboa. AENOR ISO 9001.2008 Kalitatearen Kudeaketa Sistemen Agiria duen zerbitzu-sare bakarra da.
Fagorren Zerbitzu zuzendari Kepa Untzillak esan duenez, pertsonenganako orientazioa "Fagor Etxetresnen balore korporatibo garrantzitsuenetariko bat da. Horregatik, gero eta produktu eta zerbitzu hobeak ematen ahalegintzen gara". Bere esanetan, "Bezeroarendako Arreta Zerbitzua handitzeak ahalegin handia eskatu digu, baina benetan uste dugu bezeroak jasoko duen onurak eta balio erantsiak ahalegina soberan gaindituko duela".
Iturria: Goiena.net
