Euskara lanean txertatzeko erronka abiatu dute Arabako enpresek

MONDRAGON taldeko makina-erreminta dibisioa

Gaur, abenduak 2, egin da Arabako Enpresen Foroaren aurtengo hirugarren bilera. Euskara lanean txertatzeko adibide berriak jaso dituzte foroan parte hartzen ari diren enpresek eta, horrez gain, datozen hilabeteetarako hartu dituzten konpromisoen berri eman dute.

2021/12/02

Arabako Enpresen Foroaren hirugarren bileran enpresentzako baliagarri diren adibideak eman dituzte:

DanobatGroup-eko Idoia Bustinduyk telematikoki parte hartu du gaurko saioan.

Euskaliteko Ainhoa Egaña eta HPSko Alberto Telleriak Hizkuntzen Kudeaketa praktika bilatzailearen aurkezpena egin dute. Egañak, gainera, Euskaliten bildu dituzten zenbait enpresen adibideak partekatu ditu.
Idoia Bustinduy DanobatGroupeko Kokmunikazio arduraduna eta Euskara planeko koordinatzaileak barne eta kanpo komunikazioan eman dituzten pausoak azaldu ditu.
Ulma Taldean aholkulari lanetan ari den Emuneko Izar Larrañagak pertsonen kudeaketaren inguruko azalpenak eman ditu: harrera plana, harrera protokoloa, euskara ikastaroak, etab.

Datozen urteetarako erronkak

2021 urteko Arabako Enpresen Foroan parte hartu duten 13 entitateen logoekin mapa bat osatu dute, eta bertan islatu dituzte enpresek aurrera begira hartu dituzten erronka eta konpromisoak.

Eusko Jaurlaritzak, Arabako Foru Aldundiak eta Gasteizko Udalak iaz martxan jarri zuten foroa, Lanabes ekimenaren barruan, Arabako arlo sozioekonomikoan euskara sustatzeko.

Eusko Jaurlaritzak, Arabako Foru Aldundiak eta Gasteizko Udalak iaz martxan jarri zuten foroa, Lanabes ekimenaren barruan, Arabako arlo sozioekonomikoan euskara sustatzeko. Bai Euskarari Elkarteak izan du 2021eko foroa kudeatzeako ardura. Datorren urteari begira, enpresek foroak jarraipena izatea eskatu dute, konpromisoen jarraipena egin eta enpresa gehiago ekimenera batu ahal izateko.