Irakurriena
- 1. MONDRAGONek 11.213 milioiko salmentak lortu zituen 2024an
- 2. “Kooperatibismoak enpresen arazo bertsuei, soluzio desberdinak ematen dizkie, pertsona erdigunean jartzen duelako”
- 3. Mondragon Unibertsitateak eta MONDRAGON Korporazioak gradu amaierako euskarazko proiektuak saritu dituzte
- 4. Orbeak arrakasta lortu du Eurobike 2025 azokan, Muga 10 e-bike eta 2026rako gama berrituarekin
- 5. BGAEentzako fiskalitate berria. Nola eragingo dio zure pentsioari?
- 6. LKS Nextek Aitor Moreno batu du taldera, adimen artifizialean eta teknologia kuantikoetan erreferentea
EIKA, 40 urteko historia eguerdi zoragarri batean laburtuta

Goizeko 11etan hasi zen ekitaldi nagusia. Ordu horretan Ibon Ibarzabal Kortabitartek, EIKAko lan bazkide eta aurkezleak, ongietorria eman zien bertaratutako guztiei, eta taula gainera dei egin zien 40 urteko ibilbidean kooperatibako Errektore Kontseiluko presidente izan diren guztiei. Ohorezko aurreskuarekin hasi zen, era ofizialean, jai eguna EIKAn. "40 urteko ibilbidearen errepasoa egin ondoren, pertsona asko datozkigu burura. Guztiak taula gainera ekartzea ezinezkoa izango litzateke eta horragatik, gure presidenteen lekukoarekin, zuei guztioi eskerrak eman nahi dizkizuegu. Zuen lanaren eta ekarpenaren ondorioz iritsi baikara garena izatera" adierazi zien Ibarzabalek bertaratutakoei. Ondoren, lantokiko ateak ireki zizkieten senide eta lagunei.
"Lantegia bisitatzera gonbidatzen zaituztegu eta horretarako taldeak antolatu ditugu". Bisitak txandaka bideratu zituzten eta txandatan sartu bitartean, zain egon zirenek argazki zaharrekin osatutako bideo batekin gozatzeko aukera izan zuten eta 'EIKAren photocall-ean' argazkiak egiteko parada ere izan zen.
Ikus-entzunezko historikoa
Bisita gidatuak egin ziren bitartean, txikienek aukera izan zuten animatzaile batekin jokoetan parte hartzeko eta disfrutatzeko. Eta hori guztia amaitu ondoren, berriro ere, gonbidatu guztiak karpan batu ziren, 22 minutuko bideo historiko bat ikusteko. Irudi zaharrik gabe, pertsonak, EIKAko kolektiboa osatu duten langile anonimoak -ezagunak guztiak ere- izan ziren ikus-entzunezkoaren protagonistak. 22 minututan eta goiz hunkigarrian 40 urteko ibilbideari malkoak eta barreak jarri zizkieten, batez ere urte horietan guztietan bizitako anekdotak eta bitxikeriak kontatu zituztenean.
Bideoaren ondoren luntxa izan zen, eta arratsaldeko ordu biak aldera eman zieten amaiera ekitaldiei. "Gustura, oso gustura" antolatzaileen esanetan.