TUlankide MONDRAGON

Danobatgroup eta Bizipoza elkartea, errespetuan errotutako gizartearen alde

2019/10/21

Danobatgroup, sustatzen duen Elkarrekin Eragin ekimenaren bitartez, Bizipoza erakundearekin elkarlanean aritu da dokuweb bat eta erakundearen jarduera kontatzen duen dokumental bat lantzen.
Danobatgroup eta Bizipoza elkartea, errespetuan errotutako gizartearen alde

Desgaitasunak dituzten edo diskriminatuak izateko arriskuan dauden pertsonen eskubideak bermatuko dituen gizarte inklusibo bat sustatzeko asmoarekin, Bizipoza irabazi asmorik gabeko erakundeak proiektu transmediatiko baten sorrera bultzatu du, erakundearen jardueraren berri emateko eta elkartasuna, enpatia, tolerantzia eta aniztasunarekiko errespetua moduko balioak sustatzeko.

Elkartasuna, enpatia, tolerantzia eta aniztasunarekiko errespetua moduko balioak sustatzeko asmoarekin

Ekimenak Danobatgroupen babesa eduki du, bere Elkarrekin Eragin programaren bitartez, eta Bizipoza Elkartearen eta erakundea osatzen duten 35 elkarteen errealitatea ezagutaraztea du helburu.

Dokumentala

18 minutuko iraupena duen dokumental bat da proiektu honen lehen ardatza. “Gure Bizipoza, guztiona” izenburua du dokumentalak, eta gizarte inklusibo bat eraikitzeko premia azpimarratzen du, non desgaitasunen bat dutelako edo beren genero edo jatorriagatik desberdinak diren pertsonengan eraginik duten diskriminaziorik gertatuko ez baita.

Arena ekoiztetxeak euskaraz filmatutako dokumentala da atzo estreinatu zena Elgoibarko Herriko Antzokian, eta, gero, hiri batzuetan emango da, hala nola Donostian, Gasteizen, Bilbon, Iruñean eta Hazparnen. Jendaurreko aurkezpenen ondoren, dokumentala erakundearen webgunearen bidez zabalduko da (www.bizipoza.eus), duela gutxi berritu baita. Euskarri horretan ere emanaldien egutegia eta trailerra kontsultatu daitezke.

Bideo mikropilulez osatutako dokuweb bat da proiektuaren bigarren ardatza. Bizipozaosatzen duten erakundeetako baten jarduera azaltzen da bertan. Mikrodokumental horiek propio sortuko den eta datozen asteetan aurkeztuko den webgune baten bitartez zabalduko dira. Webgune horrek ikus-entzunezko tapiz interaktibo baten moduan funtzionatuko du, eta bertan ikusleak bistaratu nahi dituen edukiak aukeratu ahal izango ditu.

“Danobatgroupen ekarpenik gabe proiektu hau ezin izango zen egin” adierazi dute Bizipoza elkartekoek.

Industria taldeak proiektu transmediatiko honi egindako ekarpen ekonomikoa funtsezkoa izan da bere lanketarako. Lan honen arduradunen hitzetan, “Danobatgroupen ekarpenik gabe proiektu hau ezin izango zen egin”, eta proiektua Euskadin kolektibo batzuek bizi duten errealitate soziala zabaltzeko eta dokumentatzeko bide garrantzitsua da.

Ikus-entzunezko bi produktuak egiteko taldeak eman duen laguntza Danobatgroupek hurbileko eragin ingurunearen eraldaketa sozialarekin duen konpromisoetako bat da. Zehazki, proiektua Elkarrekin Eragin kanpainaren zati bat da, eta kanpaina programa parte hartzaile bat da, non Taldea osatzen duten kooperatibetako langileak izan baitira proiektuan laguntzeko aurrera eramango ziren lankidetza programak proposatu dituztenak.

Danobatgroup-en konpromisoa

Bizipozarekiko elkarlanaz gain, langileek beste lankidetza proiektu bi hauek aukeratu zituzten: Minbiziaren aurkako Espainiako Elkarteak bultzatutako ikerketa bat prostatako minbizia azkar diagnostikatzeko test bat garatzeko, eta gaixotasun neurodegeneratiboen aurkako terapia berrien ikerketa, The Walk On Project fundazioaren eskutik.

Eguraldia
Osteguna 21 Min: 6
Max: 13
Ostirala 22 Min: 6
Max: 12
Larunbata 23 Min: 6
Max: 11
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak