Ikerketa eta berrikuntzarako ekipamenduak
Irakurriena
- 1. Erreka Medicalek Microliquid integratu du osasun arloan aurrera egiteko
- 2. Etorki eta Lana kooperatibek Europa hegoaldeko zerrategirik eraginkorrena inauguratu dute
- 3. Abian da Harrobia: Mondragon Unibertsitateko ikasleek dagoeneko izena eman dezakete proiektuetan
- 4. MONDRAGONeko Lanbide Heziketa: talentua barneko kooperatibetan geratzen da
- 5. “Kooperatibara HURBILTZEN” formazioa eskainiko du estreinakoz LANKI Ikertegiak
- 6. Ategiren I. Energia Foroa: Trantsizio energetikoa, lehiakortasun industrialaren erdigunean
Batxilergoko ikasleek GARAIA bisitatu dute
Bisita Mondragon Sustapen Zentroko negozio garapeneko zuzendari den Joseba Sagastigordiak gidatutako ongietorria eta aurkezpenarekin hasi zen. Berak azaldu bezala, "GARAIA hainbat eragile biltzen dituen leku bat da, eta azken helburua da enpresen arteko lankidetza bultzatzea eta proiektuak elkarrekin garatzea, inguruko enpresen lehiakortasun handiagoa lortze aldera. Finean, “ekosistema berezi bat da, ekintzailetza eta negozio berriak abiaraztea bultzatzen duena”.
Aurkezpena amaitu eta gero, bisita gidatua egin zen Arrasateko parke teknologikoko instalazioetan zehar, eta ikasleek, GARAIAko espazio desberdinak ezagutzeko aukera izateaz gain, enpresen egunerokotasuna ere ezagutu ahal izan zuten, besteak beste: Kiro Robotics, Fagor Healthcare, Saiolan, Dualia, Etic Microsoft eta Galbaian. Ikasleekin eguneroko proiektuak eta hainbat esperientzia partekatu zituzten.
GARAIA Parke Teknologikotik modu positiboan baloratzen dute bisita, nolabait ondorengo belaunaldieri teknologia eta ekintzailetasuna gerturatzeko duten helburuen artean kokatzen baita. Modu berean, industria sarea ezagutzera emateko beste akzio batzuk ere martxan jartzeko asmoa azaldu dute.
Ikerketa eta berrikuntzarako ekipamenduak
