Arizmendiarrietaren Lagunak elkarteak Ormaetxea eta Gorroñogoitia omenduko ditu

Arizmendiarrietaren Lagunak Elkarteak Jose Maria Ormaetxea eta Alfonso Gorroñogoitia omenduko ditu, Arrasateko mugimendu kooperatiboaren sortzaileetako bi kide. Horrela, beraien bizitzan zehar "balore kooperatiboen defentsa eta garapenaren alde" egin duten lana jarri nahi dute balioan.

Aitortza datorren ostegunean egingo da, ALEk urteko Batzar Orokorraren ostean. Batzarra 18:00an hasiko da eta ondoren egingo da omenaldia, 19:00ak inguruan. Ekitaldia zuzenean jarraitu ahal izango da, streaming-ean emitituko baita, www.tulankide.com bitartez.

ALEk gogoratu nahi du Ormaetxea eta Gorroñogoitia Talleres ULGOR Esperientzia Kooperatiboaren lehen enpresaren sortzaileak izan zirela 1956 urtean, beste fundatzaile hauekin batera: Jesús Larrañaga, Luis Usatorre, eta Javier Ortubai,  Arizmendiarrietak berak gidatuta.

Omenaldia eta gero, hitzaldi interesgarria izango da, Juanjo Alvarezen eskutik. “Ciencia, Sociedad, Formación: Valores y Responsabilidad” izango da izenburua. 

Juanjo Alvarez, Euskal Herriko Unibertsitateko katedraduna da (Nazioarteko Zuzenbide Pribatuan) eta baita Cuatrecasas despatxoko kontseilaria.