MONDRAGONek 'Hospitality' proiektua aurkeztu du Madrilen

Madrilgo Thompson hotelean aurkeztu dute MONDRAGON Hospitality proiektua. Kooperatiba ezberdinen kolaborazio proiektu estrategikoa da, MONDRAGONen zigilua daramana. Hoteletako zein turismo sektoreetan eta arlo sozioekonomikoan indarrak batzeko sortu da Hospitality. 

"Orain urtebete baino gehiago ekipamendu eta zerbitzuak eskaintzen genituen hornitzaile ezberdinek amets bat izan genuen, cluster bat sortzea industria horri erantzuteko. Elkarrekin hazi gaitezke eta bezeroengandik gertu egon gaitezke", azaldu du Ramon Gomez Ugaldek, MONDRAGON Hospitalityko presidente eta Onnera Group-eko zuzendari korporatiboak.

Berrikuntzaren eta garapenaren bidetik, cluster honen helburu nagusia da elkarren artean kolaboratzea eta guztiontzat onuragarriak diren emaitzak lortzea. Interkooperazio ariketa honetan Enea, Erreka, Gerodan, Kide, Krean, Ondoan, Onnera Contract, Fagor Electrónica eta Ulma Architectural kooperatibak batu dira. 

Bederatziek gaitasuna dute sektoreko arlo ezberdinak garatzeko, ekoizteko eta instalatzeko. Mobiliarioa, sarbide automatikoak, telebista soluzioak, multimedia eta konektibitate arloko gailuak, hoteletako ekipamendua, hozkailuak eta hotz ekipoak, arkitektura eta ingenieritza zerbitzuak, ingurumenekoak eta energetikoak, eta sukaldeetako ekipamenduak, F&B guneak eta garbigailuak.

Iñigo Ucin, MONDRAGONeko presidentea, aurkezpenean.

MONDRAGON Hospitality, 4.000 pertsona eta 500 milioiko fakturazio erantsia

MONDRAGON Hospitality egitasmoan parte hartzen ari diren enpresa eta kooperatibek gaur egun 4.000tik gora pertsonari ematen hiru aktibitate arlotan: hoteletako sektorean, turistikoan eta soziosanitarioan. Era berean, aipatutako enpresek 500 milioi euroko negozio bolumena dute.