ABRAZA, autonomia pertsonala hobetzeko robotika asistiboa bultzatzen duen proiektua

Industria eta Turismo Ministerioak finantzatu du proiektua, Agrupaciones Empresariales Innovadoras (AEI) laguntzen bidez, eta Gaztela eta Leongo, Euskadiko eta Kataluniako erakundeak bildu ditu: Aspace Salamanca, Ceteo Ortopedia, ITCL Centro Tecnológico, Syltec Ingeniería, Leartiker, SIVI Klusterra eta Centro Español de Plásticos (CEP).

ABRAZAren helburu nagusia soluzio robotiko unibertsal, pertsonalizatu eta moldagarri baten oinarriak ezartzea izan da, komunikazio-sistema handigarriak eta alternatiboak errazteko, bai eta laguntza behar handiak dituzten pertsonen tresna digitaletarako eta eguneroko jardueretarako sarbidea errazteko ere.

Proiektuan zehar, beso robotiko asistiboko prototipoak garatu eta baliozkotu dira ASPACE Salamancako erabiltzaileekin batera. Honi esker, funtsezko alderdiak aztertzeko aukera egon da, hala nola ergonomia, komunikazio sistema desberdinetara egokitzeko gaitasuna eta laguntza teknologiak gailu bakar batean integratzeko aukera. Saiakuntzek agerian utzi dute pertsonalizazio maila handiko soluzioak diseinatzearen garrantzia, pertsona bakoitzaren gaitasun eta behar espezifikoetara egokitzeko gai direnak.

Elkarlan proiektu honetan, Leartikerrek materialetan eta jasangarritasunean duen esperientzian oinarrituta, sistema robotikoaren osagaietarako materialak aukeratzen eta ebaluatzen parte hartu du, gailuaren baldintza funtzionalekin eta etorkizuneko erabiltzaileen beharrekin lerrokatutako soluzio arinagoak, iraunkorragoak eta jasangarriagoak lortzeko.