Irakurriena
- 1. Arrasate herri kardio-babestua izango da, Bexen Cardioren 17 desfibriladore instalatuta
- 2. Ondoan Taldeak Kataluniako Urven Solutions konpainiako partaidetza nagusia eskuratu du
- 3. Danobatek AEBetako trenbide-merkatuan duen posizioa indartu du Delta Wheel Truing Solutionsen erosketa estrategikoarekin
- 4. Duinduz proiektua: etxez etxeko zainketen lan-baldintzak hobetzeko
- 5. Mikel Mujika Estensoro, Orkliko Konfort eta Osasun negozioaren zuzendari berria
- 6. “Eskerrak eman nahi dizkiegu proiektua posible egiten duten guzti guztiei"
- 7. Adolfo Plaza: «Gure entitatearen asmoa da gizartearentzako aurrerapen bateratua lortzea, inor atzean utzi gabe»
- 8. Danobatek 20 milioi euro inbertitu ditu Elgoibarko egoitzan berrian
- 9. LABORAL Kutxa Frantziako Tourrean izango da
- 10. Gipuzkoako Bazkundeak saria eman dio MLAKoop kooperatibari
LABORAL Kutxa Frantziako Tourrean izango da
LABORAL Kutxa Euskadi Fundazioaren egiturapean dagoen Kontinental kategoriako taldea da eta bere ibilbidean beste pauso garrantzitsu bat ematea lortu du. Izan ere, abuztuaren 12tik 18ra Frantzian jokatuko den munduko lasterketa garrantzitsuenean, Fratziako Tourrean, parte hartzeko gonbidapena jaso du. Lasterketa Rotterdam-etik abiatuko da eta Alpe d'Huez mitikoan amaituko da.
"ASO elkarteko antolatzaileek kontinental kategoriako zazpi talde gonbidatu dituzte eta horien artean izango da LABORAL Kutxa. Gainerako talde guztiak, 15 guztira, World Tour kategoriakoak izango dira", zoriondu dira Euskal Herriko taldekoak.
LABORAL Kutxak Espainiako Itzulia ere jokatuko du, apirilaren 28tik maiatzaren 5era
LABORAL Kutxarentzat oso inportantea da bai Frantziako Tourrean zein Espainiako Itzulian parte hartzea, "izan ere taldea sendotzen du eta nazioarteko txirrindularitzan zein egutegian toki bat egiten jarraitzen dugu", adierazi du Ion Lazkanok, LABORAL Kutxako kirol zuzendariak.
Kirol erronkarik handiena
Edozein talderentzat Frantziako Tourra da kirol erronkarik handiena. "Frantziako Tourra da kirol honetan jokatu daitekeen lasterketarik esanguratsuena. Hedabideek sekulako jarraipena egiten diote lasterketari eta mundu osoan du oihartzuna". Horrexegatik guztiagatik, bai proiektuarentzat zein kirolarientzat sekulako saria da Frantziako Tourrean izatea.
Lazkanorentzat, gonbidapena, lanaren ondorioa da. "Azken urteotan egin dugun lan guztiaren aitortza da gonbidapen hau eta proiektuaren kontsolidazioa erakusten du".