Lasterketa jokatzeko hiru hilabeteren faltan, Orbea Gravel Rioja Alavesa 1.500 izen-emateren langara iritsi da

Orbea Gravel Rioja Alavesa kirol ebentuak historia egin du berriro. 2026ko edizioa ospatzeko hiru hilabete baino gehiago falta direnean, antolatzaileek baieztatu dute plaza guztiak agortu direla. Mugarri horrek behin betiko finkatzen du hitzordu hori erreferentziazko ekitaldi ez-lehiakor gisa.

Estatu osotik etorritako 1.500 txirrindularik baino gehiagok eman dute izena. Baita nazioarteko beste toki batzuetatik etorritakoek ere, hala nola; Estatu Batuetatik, Belgikatik, Frantziatik, Italiatik, Poloniatik eta baita Panamatik etorritakoak ere badira.

Estatu osotik, Estatu Batuetatik, Belgikatik, Frantziatik, Italiatik, Poloniatik eta Panamatik etorritako 1.500 txirrindularik parte-hartuko dute bosgarren edizioan

Horiek guztiek euren dortsala ziurtatu dute, eta esperientzia ahaztezina bizi ahal izango dute. Lau edizio arrakastatsuren ondoren, probak V. urteurrena bete du, eta ezinbesteko hitzordua bihurtu da txirrindularien egutegian.Hitzordu dotorea da, baita laguntzaile eta familientzako erakargarri ere. Hori dela eta, antolatzaileek Biasteri eta Arabako Errioxan ekintza ezberdinak eskaintzen dituzte.

Itxaron-zerrenda ofiziala aktibatuta

Azken asteetan jasotako eskaera handia ikusita, eta garaiz iritsi ez direnei edo epeekin despistatu direnei erantzuteko, antolatzaileek ofizialki itxaron-zerrenda aktibatu dute.

Interesa duten pertsona guztiei gomendatzen zaie itxaron-zerrendan erregistratzea ahalik eta lasterren. Izena emateko hurrenkera zorrotzean hartuko da kontuan, eta modalitate bakoitzean jakinarazitako bajen ondorioz libre gera daitezkeen plazei lotuta egongo da. Webgune ofizialaren bidez egin daiteke.

Enoturismoz eta jarduerez betetako bosgarren edizioa

Antolatzaileek eskerrak eman nahi izan dizkiete urtero Biasterira gerturatu diren txirrindulariei, euren egitekoan jarritako baldintzarik gabeko konfiantzagatik, bai eta ekitaldian beren markei balio erantsi handia ematen dien erreferentzia bat ikusi duten enpresa eta erakunde guztiei ere:

"Jendearen erantzuna ikusteak eta plazak hiru hilabete baino gehiagoko tartearekin agortzeak harrotasunez betetzen gaitu eta gure onena ematera motibatzen gaitu", adierazi dute Orbeatik. 

Mahastien arteko kirol- eta paisaia-erakargarritasunaz gain, bosgarren edizioak jarduera paraleloen programa zabal baten aldeko apustua egingo du berriz ere. Horretarako, lehen mailako upeltegi laguntzaileen aliantza izango da berriro, hala nola Luis Cañas Upeltegiak edo Izadi Upeltegiak, txirrindularitzaren, gastronomiaren eta ardoaren kulturaren arteko fusio ezin hobea ziurtatuko dute.