Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Zilarrezko Bikain Euskararen Kalitate Ziurtagiria Soraluce eta Latz kooperatibentzat
![Card image cap](https://www.tulankide.com/eu/zilarrezko-bikain-euskararen-kalitate-ziurtagiria-soraluce-eta-latz-kooperatibentzat/@@images/66838553-8b26-4773-88f3-ff97a84aca9d.jpeg)
DanobatGroup taldeak euskararekiko eta euskal kulturarekiko atxikimendu eta sentsibilizazio berezia erakutsi ditu sorrera-sorreratik eta atxikimendu hori langileei begira zein gizarteari begirakoa da.
Gaur egun, eta duela urte batzuetatik hona DanobatGroupeko kooperatibek erabilera areagotzeko, langileen motibazioan eragiteko eta ezagutza handitzeko ahaleginean dihardute, eta 2008an Danobat kooperatibak eskuratu ondoren Zilarrezko Bikain ziurtagiria gainontzeko kooperatibak ere neurriak hartzen hasi ziren prozesu horretan sartzeko.
2015ean taldeko Soraluce eta Latz-ek eman dute pausoa, eta Bikain prozesuan izena eman eta ebaluazio bat egin ondoren eskuratu dute Zilarrezko Bikain Ziurtagiria.
Ebaluazio horretan EMEn (Erreferentzia Marko Estandarrean) jasotako itemak zein hizkuntzatan dauden eta nola kudeatzen diren egiaztatzen da besteak beste, eta ondorengo lau ardatz hauen azterketa sakona egiten da:
Erakundearen komunikazioa eta irudi korporatiboa
- Kanpo harremanak
- Barne harremanak
- Hizkuntza kudeaketa
Bikain sistemaren arabera 1000 puntu lor litezke gehienez ere, %100eko betetze-maila alegia. Hori horrela, hiru aitortza-maila edo ziurtagiri ezarri dira, kolore bana dutelarik:
- Oinarrizko maila edo Bikain beltza - 200 puntu gutxienez
- Tarteko maila edo Bikain zilarra - 400 puntu gutxienez
- Goi maila edo Bikain urrea - 700 puntu gutxienez
Hizkuntza Politikarako Sailburuordetzak eta Euskalit-Kudeaketa Aurreratua Fundazioak- elkarlanean sortua da Bikain, Euskararen Kalitate Ziurtagiria. Kudeatu ere, bi erakunde hauek osatutako Idazkaritza Teknikoa ari da kudeatzen, maila teknikoari doakionez.
Dagoeneko DanobatGroupeko 3 kooperatibak dute Zilarrezko Bikain Euskararen Kalitate Ziurtagiria eta gainerakoak neurriak hari dira hartzen barnean datozen urteetan prozesu honetan sartu eta ziurtagiria eskuratzeko.