Elkarte Eguna inork baino hobeto ospatzen du Ikerlanek

Iragan uztailaren 15ean ospatu zuen Ikerlanek 2022ko Elkarte Eguna. Arabar Errioxara egin zuten txangoa eta askotariko kirol eta jolas jarduerak egin zituzten, taldeetan banatuta.

Batzuk bizikletan abiatu ziren Arrasatetik Bastidarantz, beste batzuk piraguismoa egin zuten Ebro ibaian, eta ginkana-jolasa aukeratu zutenak ere asko izan ziren. Beste askok Bastida ezagutzeko bisita-gidatua aukeratu zuten eta Baigorri upeltegia bisitatzeko aukera ere izan zen. Festa eguna izaten da Ikerlanentzat Elkarte Eguna, eta erakundearen ikuspegitik, oso 'gomendagarria' da.

Guztira Zentro Teknologikoko 250 lagun inguru elkartu ziren esperientzia ederra eta ahaztezina bizitzeko gogoz. 

Guztira 250 lagun elkartu ziren, askorentzat lehenengo Elkarte Eguna izan zen eta beste askorentzat dagoeneko 'klasikoa' bilakatu den senidetze eguna. Ikerlanentzat egun inportantea izaten da, polita zentzu askotan, eta erakundea osatzen duten pertsonak elkar-ezagutzeko balio izaten duena, lanetik harago. "Elkarte Egunak aukera eskaintzen die langileei harremanak sendotzeko eta euren arteko bizipenak beste testuinguru batean garatzeko". 

Egia esan, inork gutxik daki Ikerlanek bezala horrelako eguna antolatzen. Oso giro ona izaten da jardunaldi osoan eta askorentzat "egun ahaztezina, aberatsa eta oso gomendagarria" izaten da.