TUlankide MONDRAGON

NASAko astronauta Arizmendi Ikastolan bisitari

2018/01/30

Iosu Feijoo astronauta gasteiztarra Arizmendi Ikastolako Basabeazpi gunera gerturatu da gaur. NASAn dihardu lanean Feijook eta urte baten buruan espaziora joateko asmoa du. Feijoo diabetikoa da eta bere helburu nagusia da gaitz horren kontrako ikerketan ekarpena egitea.
NASAko astronauta Arizmendi Ikastolan bisitari

"Haur guztiek omen dute astronauta bat buruan" esan du Iosu Feijook hitzaldia hasi bezain pronto, "eta zuen astronauta hori espazioratzera" nator, gaineratu du gasteiztarrak. Arizmendi Ikastolako Basabeazpi guneko neska mutikoak espazioaren inguruko ikasgaia egiten aritu dira azken asteotan.

IMG_1144  Iosu Feijoo astronauta, haurrez inguraturik gaurko saioan.

Basabeazpira eskutitz bat iritsi zen, katu bat espazioko txokoren batean galduta zegoela zioena eta ikasleen laguntza beharko zuela bertatik irteteko. Bada, non zegoen aztertu behar izan zuten, planeta izango ote zen, asteroidea, ilargia... Baina han espazioan nola moldatuko ziren jakitea falta zitzaien Arizmendikoei. Horretan zebiltzala, ikastolako guraso batek Iosu Feijoo astronauta gasteiztarra telebistan ikusi zuen, berarekin kontaktuan jarri zen eta ikastolara etortzeko gonbitea egin zion. Eta Basabeazpikoak, pozez txoratzen, irrikaz, urduri... gaur egin diote ongietorria NASAko astronautari.

Proiektuen bidezko irakaskuntza, ardatz

Konfiantzaren pedagogiaren jatorria Arizmendi ikastolan dago. Ikasleak bere gaitasunak ahalik eta egokien garatzeko konfiantza behar du bai bere buruarengan, bai besteengan eta baita testuinguruan ere ikas-prozesuan ere. Horren baitan proiektu bidezko ikaskuntzan dihardute ikastolan HHtik hasi eta batxilergora arte.

Basabeazpiko neska-mutikoen proiektua espazioa zela aprobetxatuz gerturatu da Josu Feijoo bertara. Feijoo ezaguna da, bestak beste, bi zortzimilako igo dituelako. Shisha Pangma eta Everest; eta Ipar Polo zein Hego Polo geografikoak zeharkatu ditu. Eta hori guztia egiteko gai izan da bere gaixotasunari aurre eginez, izan ere, Josu Feijoo diabetikoa da. 

Eguraldia
Igandea 23 Min: 15
Max: 31
Astelehena 24 Min: 10
Max: 21
Asteartea 25 Min: 8
Max: 21
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak