Mundukideko kooperanteen topaketak lantaldea indarberritu du

Topaketaren helburu nagusia herrialde ezberdinetako kooperanteak bildu eta herrialde ezberdinetan garatzen ari diren proiektuen egoera partekatzea izan da. Mozambike, Etiopia, Brasil eta Ekuadorreko kooperanteak izan dira bertaratu direnak, eta lanean ari diren herrialdearen berri eman dute, Mundukidek egiten duen lana balioan jarriz. Mundukideren lankidetza kooperatiboak esperantza pizten du herrialde pobretuenetan.

Besteak beste ULMA eta Copreciko ordezkariek hartu dute parte bertan, eta kooperante berriak fundazioarekin bat egitearen beharra nabarmendu dute, munduan dauden desorekei bermez aurre egiten jarraitu ahal izateko.